Verb didermen

Er yezhoniezh e vez implijet an termen verb didermen (saoz.: non-finite verb pe verbal) evit komz eus ur verb ha ne gemm ket e stumm evit klotaat gant ar rener, da lâret eo ne vez ket displeget evit merkañ ar gour nag an amzer hervez reolennoù yezhadur ar yezh-mañ'r-yezh.

Implijet e vez verboù didermen neuze en islavarennoù stag dre ma n'hallont ket bezañ implijet evit sevel pennlavarennoù hag a dalvez dreze o-unan evel frazennoù klok hepmuiken.

En em derc'hel a reont verboù didermn evelverboù, dre ma vez savet frazennoù ver diwarne, hag ivez evel rummadoù yezhadur all war un dro, da skouer arc'hwel un anv, un anv-gwan pe un adverb e-keñver ur rannfrazenn pe ur frazenn brasoc'h. Diwar an arc'hweloù-se e teu o anvioù e brezhoneg.

Setu ar stummoù didermen pennañ:

• an anv-verb;

• an anv-gwan-verb (saoz. past participle) hag ar stumm-ober (saoz. present participle);

• stumm-ambroug (saoz. gerund) hag an adverb-verb (saoz. gerundive)

• stumm supinek (saoz. supine)