Yoweri Museveni

Yoweri Kaguta Museveni zo ur politikour eus Ouganda ha prezidant ar vro abaoe 1986.

Graet en deus e studioù e Dar es Salaam (Tanzania) etre 1967 ha 1970. Stourmet en deus gant ar Frelimo er Mozambik ouzh ar Bortugiz ha desket evel-se teknikoù ar brezel. Tec'hel a reas kuit diouzh Ouganda e 1971 da heul taol-Stad Idi Amin Dada ha kavout repu e Tanzania. E 1980 e nac'has anzav disoc'h an dilennadegoù ha trec'h Milton Obote. Sevel a reas neuze e arme (ar Popular Resistance Army) ha stourm ouzh Obote betek an trec'h e 1986. D'ar 26 a viz Genver 1986 e voe roet ar garg a brezidant dezhañ. Trec'h e voe en dilennadegoù aozet e 1996 hag e 2001. E miz Gouere 2005 e cheñchas Bonreizh Ouganda evit gallout lakaat e anv en-dro en dilennadegoù. Gounit a reas anezhe e 2006 hag e 2011.

Addilennet eo da brezidant ar vro d'ar 16 a viz Genver 2021, met truch zo tamallet dezhañ gant e enebourien.

g • ka • ke Prezidanted Ouganda
Mutesa II · Milton Obote · Idi Amin · Yusuf Lule · Godfrey Binaisa · Paulo Muwanga · Milton Obote · Bazilio Olara-Okello · Tito Okello · Yoweri Museveni