Afon Orontes

Afon Orontes

Math	afon
Daearyddiaeth
Gwlad	Twrci, Syria, Libanus
Cyfesurynnau	35.25°N 36.5833°E, 34.1969°N 36.3525°E, 36.0453°N 35.9636°E
Aber	Y Môr Canoldir
Llednentydd	Afon Afrin
Dalgylch	23,000 cilometr sgwâr
Hyd	571 cilometr
Arllwysiad	30 ±0.001 metr ciwbic yr eiliad
Ffeiliau perthnasol ar Comin
[golygwch ar Wicidata]

Afon fawr yn y Lefant yw Afon Orontes.

Cyfyd yr afon ym mhen dwyreiniol Dyffryn Beka'a yng ngogledd-ddwyrain Libanus. Am y rhan fwyaf o'i chwrs 370 km (230 milltir) rhed Afon Orontes drwy wastadeddau canolbarth a gogledd-orllewin Syria ar gwrs gogleddol cyn troi'n sydyn i'r de-orllewin i redeg i'r Môr Canoldir yn Antakya, Twrci (Antioch-ar-Orontes y Beibl).

Ar ei thaith trwy Syria mae'r afon yn llifo trwy neu heibio dinasoedd Homs, Hama (lle ceir olwynion anferth o gyfnod y Rhufeiniaid yn troi ei dŵr) a Jisr.

Er nad yw'n afon fawr mewn cymhariaeth ag afonydd mawr rhannau eraill o Asia neu Ewrop, mae'r Orontes yn holl-bwysig i economi Syria am ei bod yn gyflenwad dŵr dibyniadwy ar gyfer amaethyddiaeth rhan helaeth o ganolbarth y wlad a hefyd i ddinasoedd cyfagos.

Eginyn erthygl sydd uchod am Syria. Gallwch helpu Wicipedia drwy ychwanegu ato

Eginyn erthygl sydd uchod am Libanus. Gallwch helpu Wicipedia drwy ychwanegu ato.