Caerwynt

Caerwynt
Math	dinas, tref sirol, ardal ddi-blwyf
Ardal weinyddol	Dinas Caerwynt
Poblogaeth	35,200
Gefeilldref/i	Gießen
Daearyddiaeth
Sir	Hampshire; (Sir seremonïol)
Gwlad	Lloegr
Yn ffinio gyda	Littleton and Harestock
Cyfesurynnau	51.0633°N 1.3086°W
Cod SYG	E43000074
Cod OS	SU485295
Cod post	SO22, SO23
	Ffeiliau perthnasol ar Comin
	[golygwch ar Wicidata]

Dinas yn Hampshire, De-ddwyrain Lloegr, yw Caerwynt neu Caer-wynt (Saesneg: Winchester).^[1] Fe'i lleolir mewn ardal ddi-blwyf yn ardal an-fetropolitan Dinas Caerwynt. Mae'n ganolfan weinyddol yr ardal an-fetropolitan honno, yn ogystal â sir seremonïol Hampshire a sir an-fetropolitan Hampshire. Saif ar lan Afon Itchen. Yng Nghyfrifiad 2011 roedd gan ardal adeiledig Caerwynt boblogaeth o 45,184.^[2] Mae'n ddinas hanesyddol sy'n gartref i Eglwys Gadeiriol Caerwynt, a godwyd yn yr 11g ar safle eglwys gynharach. Fel prifddinas teyrnas Sacsonaidd Wessex a safle llys ei brenhinoedd, bu bron mor bwysig â Llundain yng nghyfnod yr Eingl-Sacsoniaid. Mae'n gartref i Goleg Caerwynt, ysgol gyhoeddus hynaf Lloegr, a sefydlwyd gan William o Wykeham yn 1382. Bu farw'r nofelydd Jane Austen yn y ddinas.