Katherine Jenkins

Katherine Jenkins
Ganwyd	Katherine Maria Jenkins  29 Mehefin 1980  Castell-nedd
Label recordio	Universal Music Group
Dinasyddiaeth	Cymru
Alma mater	Yr Academi Gerdd Frenhinol Ysgol Gyfun Dŵr-y-Felin
Galwedigaeth	canwr opera, music artist
Arddull	trawsnewid, cerddoriaeth glasurol, opera
Math o lais	mezzo-soprano
Priod	Andrew Levitas
Gwobr/au	OBE, Classic Brit Awards
Gwefan	http://www.katherinejenkins.co.uk

Mezzo-soprano o Gastell-nedd yw Katherine Jenkins, OBE (ganwyd 29 Mehefin, 1980)^[1]. Er mai cantores glasurol yw hi, mae hi hefyd yn perthyn i gerddoriaeth bontio gan mor eang yw ei hapel.

Cafodd ei haddysg gynnar yn Ysgol Alderman Davies a oedd drws nesaf i Eglwys St David lle y cafodd Katherine gyfle i ddysgu canu a chyfle i ganu yn y côr ac fel unawdydd. Pan yn blentyn, cynrychiolodd Gymru deirgwaith yn y gystadleuaeth Choirgirl of the Year, enillodd gystadleuaeth Radio 2 Welsh Choirgirl of the Year yn ogystal ag ennill y BET Welsh Choirgirl of the Year.

Enillodd Katherine Ysgoloriaeth Côr Meibion Dyffryn Pelenna fel y gantores fwyaf addawol, a phan oedd yn 17 enillodd ysgoloriaeth i astudio yn yr Academi Gerdd Frenhinol yn Llundain. Derbyniodd radd anrhydedd.

Yn 2004, pan oedd Katherine yn 23 oed, arwyddodd y cytundeb recordiau fwyaf yn hanes cerddoriaeth clasurol. Daeth y cyn-athrawes o Gastell Nedd y gantores glasurol a werthodd y nifer fwyaf o recordiau gyflymaf ers Maria Callas.

Ers hynny, gwnaed Katherine yn fascot swyddogol tîm rygbi Cymru. Cyn Cwpan Rygbi'r Byd yn 2003, recordiodd gân swyddogol y tîm Cymreig, fersiwn o Bread of Heaven i gyfeiliant côr meibion o gant o leisiau. Cyn hynny, roedd wedi canu'r anthem genedlaethol Hen Wlad fy Nhadau yn Stadiwm y Mileniwm cyn gêm Cymru / Lloegr ym mis Awst.

Mae Katherine wedi perfformio ar yr X Factor yn canu gyda Rhydian. Roedd hi wedi rhyddhau 5 albwm erbyn 2004; roedd yr albwm Premier ar ben y siart clasurol am 8 wythnos. Yn 2005 cafodd La Diva ei ryddhau ac yn 2006 rhyddhodd yr albwm Serenade. Yn 2008 cafwyd From the heart a Rejoice. Rhyddhaodd ei chweched albwm sef Sacred Arias ar yr 20fed o Hydref 2008.

1. ↑ "Katherine Jenkins". Motivate Talent (yn Saesneg). Cyrchwyd 7 Gorffennaf 2024.