King Alisaunder

Llenyddiaeth Saesneg Canol
Barddoniaeth gynnar Ormulum Cursor Mundi
Y rhamant King Horn Floris and Blancheflour Of Arthour and of Merlin Ywain and Gawain The Siege of Troy King Alisaunder
Yr adfywiad cyflythrennol William Langland (Piers Plowman)
Oes Chaucer Geoffrey Chaucer (The Canterbury Tales) John Gower
← Hen Saesneg Llên Lloegr 16g →
v t e

Rhamant fydryddol Saesneg Canol yw King Alisaunder sy'n dyddio o ddechrau'r 14g ac yn debyg yn tarddu o Lundain. Mae ganddi 8,034 o linellau mewn cwpledi byrion. Mae'n seiliedig ar waith Eingl-Normaneg o ddiwedd y 12g o'r enw Roman de toute chevalerie. Enghraifft o chwedloniaeth Alecsandraidd yr Oesoedd Canol ydyw, sy'n adrodd hanes Alecsander Fawr. Yn ôl y chwedl hon, mab y Brenin Nectanebus o'r Aifft oedd Alecsander, wedi i'r brenin hwnnw swyno Olympias, gwraig Philip II, brenin Macedon, trwy hud i gael cyfathrach rywiol. Mae'r gerdd yn dilyn hynt ei enedigaeth, ei fagwraeth, ei olyniaeth i orsedd Macedon, concwest Carthago a dinasoedd eraill, a'i ryfeloedd yn erbyn Darius Fawr. Mae diwedd y gerdd yn ymwneud â'i anturiaethau yn Asia, ac yn cynnwys hanesion ei orchfygiadau, disgrifiadau o ddaearyddiaeth a rhyfeddodau'r dwyrain, stori ei garwriaeth â Candace, a'i dranc o ganlyniad i wenwyn. Ysgrifennir ei phenillion bywiog ar fesur hyblyg. Mae sylwadau yn awgrymu iddi gael ei chyfansoddi er mwyn ei thraddodi ar lafar, ac mae ei strwythur yn ddryslyd i raddau.^[1]

1. ↑ Margaret Drabble (gol.), The Oxford Companion to English Literature (Rhydychen: Gwasg Prifysgol Rhydychen, 1995), t. 540.