Llan-non, Sir Gaerfyrddin

Llan-non

Math	pentref, cymuned
Enwyd ar ôl	Non
Poblogaeth	5,270, 5,368
Daearyddiaeth
Sir	Sir Gaerfyrddin
Gwlad	Cymru
Arwynebedd	3,848.76 ha
Cyfesurynnau	51.7551°N 4.1175°W
Cod SYG	W04000537
Gwleidyddiaeth
AS/au Cymru	Lee Waters (Llafur)
AS/au y DU	Nia Griffith (Llafur)
Ffeiliau perthnasol ar Comin
[golygwch ar Wicidata]

Pentref a chymuned yn Sir Gaerfyrddin, Cymru, yw Llan-non. Saif ar y briffordd A476 rhwng Llanelli a'r Tymbl.

Yn weinyddol, mae Cymuned Llannon hefyd yn cynnwys pentrefi Cross Hands a'r Tymbl. Fe'i hystyrir yn bentref amaethyddol mewn ardal lofaol. Ceir un eglwys, sef Eglwys Santes Non, ac un capel y Bedyddwyr, sef Hermon. Mae dwy dafarn yn y pentref, Tafarn y Llew Coch a Thafarn y Milgi. Gwasanaethir y pentref gan un ysgol gynradd categori A, sy'n bwydo Ysgol Gyfun Maes-yr-yrfa.

Cysylltir y pentref â Helyntion Beca. Ar gyrion y pentref mae fferm "Gelliwernen" lle y digwyddodd un o derfysgoedd Beca. Erys tollborth yn y pentref ac uwchlaw Llannnon, ar fynydd Sylen y cynhaliwyd un o gyfarfodydd enwocaf Merched Beca. Dyma ardal Jac Tŷ Isha, un o arweinwyr enwocaf y terfysgoedd. Seiliwyd sioe gerdd ar ei fywyd.

Cynrychiolir yr ardal hon yn Senedd Cymru gan Lee Waters (Llafur)^[1] ac yn Senedd y DU gan Nia Griffith (Llafur).^[2]

1. ↑ Gwefan Senedd Cymru
2. ↑ Gwefan Senedd y DU