Thomas Charles

Thomas Charles
Ganwyd	14 Hydref 1755  Sir Gaerfyrddin
Bu farw	5 Hydref 1814
Dinasyddiaeth	Cymru
Alma mater	Coleg yr Iesu, Rhydychen Ysgol y Berwyn
Galwedigaeth	clerig
Tad	Rees Charles
Mam	Jael Bowen
Priod	Sarah Charles
Plant	Thomas Rice Charles

Clerigwr Methodistaidd, addysgwr a diwinydd o Gymru oedd Thomas Charles o'r Bala (14 Hydref 1755 – 5 Hydref 1814), a aned yn Llanfihangel Abercywyn, Sir Gaerfyrddin.

Roedd Thomas Charles o'r Bala yn frawd i David Charles, yr emynydd. Fe'i haddysgwyd yn Llanddowror, Sir Gaerfyrddin, Caerfyrddin, a Rhydychen. Ar ôl cyfnod yn offeiriad Anglicanaidd yng Ngwlad yr Haf priododd Sally Jones o'r Bala a symudodd i fyw yn y dref honno yn 1783. Yn 1784 ymunodd â'r Methodistiaid Calfinaidd a threuliodd weddill ei oes yn gweinidogaethu yn eu plith.