Tim Saunders

Tim Saunders
Ganwyd	7 Chwefror 1952  Northumberland
Man preswyl	Caerdydd
Dinasyddiaeth	y Deyrnas Unedig
Galwedigaeth	llenor, bardd
Plant	Gwenno Saunders, Ani Glass

Bardd yn yr iaith Gernyweg yw Tim Saunders, sy'n cyfansoddi cerddi ac yn ysgrifennu erthyglau newyddiadurol yn Gymraeg, Gwyddeleg a Llydaweg hefyd. O dras Gernywaidd, mae o'n byw yng Nghaerdydd. Mae'n cefnogi hunanlywodraeth i Gernyw.

Mae'n aelod o Orsedd Cernyw, yn hanesydd llên ac yn olygydd The Wheel – blodeugerdd o gerddi Cernyweg diweddar, o 1850–1980.^[1] Mae wedi cyhoeddi High tide, casgliad o'i gerddi Cernyweg ei hun o'r cyfnod 1974-1999.

Roedd merched Tim: Ani a Gwenno Saunders, yn gantorion yn y band "indie" The Pipettes, gyda Gwenno yn chwarae'r allweddau hefyd. Mae Gwenno bellach yn canu ar ei liwt ei hun ac wedi teithio'r byd yn perfformio.

1. ↑ "Tim Saunders". Archifwyd o'r gwreiddiol ar 2007-09-08. Cyrchwyd 2008-12-17.