Our website is made possible by displaying online advertisements to our visitors.
Please consider supporting us by disabling your ad blocker.
Krakow
| Krakow | |||
|---|---|---|---|
| swójske mě | Kraków (pól.) | ||
| |||
| |||
| Symbole | |||
| |||
| Zakładne daty | |||
| stat |  Pólska
| ||
| koordinaty | 50°04′N 19°57′E/50,066667 19,950000Na kórtach: 50°04′N 19°57′E/50,066667 19,950000 | ||
| wusokosć | 219 m | ||
| płonina | 326,80 km² | ||
| wobydlaŕstwo | 760 700 (2014) | ||
| gustosć zasedlenja | 2327,7 | ||
| postowa licba | 30-001 - 31-999 | ||
| Měsćańske zastojnstwo | |||
| adresa | plac Wszystkich Świętych 3-4 31-004 Kraków | ||
| website | Krakow.pl | ||
Krakow (pólski Kraków, nimski Krakau) jo město w pódpołdnjowej Pólskej, w małopólskem wójewódstwje, nad rěku Wisłu. Krakow jo stolica wójewódstwa a teke samostatny wokrejs (powiat). Toś to město jo wažny turistiski a kulturny centrum. Krakow jo historiska stolica a nejwětše město Małopólskeje.
W lěśe 2014 jo w Krakowje bydliło 759 144 luźi. Šołta města jo Jacek Majchrowski.
W lětach 1038-1079, 1138-1290 a 1296-1596 jo Krakow był stolica Pólskeje. W Krakowje jo w lěśe 1364 nejstarša pólska uniwersita − Uniwersytet Jagielloński − nastała.
Wót 1795 do 1809 a wót 1846 do 1867 jo Krakow pód kněžaŕstwom Awstriskeje był. Wót 1867 do 1918 jo pód kněžaŕstwom Awstrisko-Hungorskeje był.
Něnto jo w Krakowje 23 wusokošulow: 3 uniwersity (Uniwersytet Jagielloński, Uniwersytet Ekonomiczny, Uniwersytet Rolniczy), techniskej šuli (Akademia Górniczo-Hutnicza, Politechnika Krakowska) a teke Akademia Sztuk Pięknych, Akademia Muzyczna, Państwowa Wyższa Szkoła Teatralna, Adademia Pedagogiczna, Papieska Akademia Teologiczna a Akademia Wychowania Fizycznego.
Historiski centrum Krakowa (źěl pśi głownych wikach a teke źěl Kazimierza) jo na lisćinje UNESCO. W Krakowje ma sedło Narodny Muzeum w Krakowje. Biblioteka Jagiellońska jo jadna z nejwětšych w Pólskej.
Pódla Krakowa lažy mjazynarodne lětanišćo Balice.
Previous Page Next Page
