Eminem

Marshall Bruce Mathers III, cgnusû méj c'n al nóm 'd art 'd Eminem o cun qvél dal sò alter ego Slim Shady (St. Joseph, 17 'd Utóbar dal 1972) 'l è 'n rapper, prudutōr cinematugràfic e atōr americàṅ, vinsidōr dal Prèmi Òscar dal 2003 par la canta Lose Yourself trata da 'l film 8 Mile, pelìcula 'd Curtis Hanson dal 2002 ch'la cònta la sò vita e in du lò 'lò 'l è prutagunìsta. Al fà anc part dal grup di D12.

In dla sò caréra, a rivàr a 'l 2015, 'l à vindû da piò ad sènt migliòṅ ad disc in tut al mónd e quarànta-dū migliòṅ ad sìngui digitài dvintànd 'l artìsta ch'l à vindû da piò in di Stat Unî in di an Dumìla cun déś àlbum nùm'r òṅ in dla Billboard e sinc sìngui. A sa stima ch'al sò patrimòni al s davśìna a i duśènt migliòṅ ad dòlar.

Fra i pès più famóś d'l artìsta, carsû a Detroit e divursiâ dū vòlti, a 'rcurdém My Name Is, The Real Slim Shady, Stan (in du 'l campiòna Thank You dla Dido), Without Me, Cleanin' Out My Closet, Lose Yourself, Sing for the Moment (in du 'l campiòna la Dream On di Aerosmith), Mosh (in du 'l dà adòs a George W. Bush acsè cum in We As Americans), Just Lose It (in du 'l tōś in gir Michael Jackson), Like Toy Soldiers (in du 'l campiòna 'l braṅ Toy Soldiers dla Martika), Mockingbird, Jimmy Crack Corn (cantàda insém a 50 Cent), We Made You (in du 'l tōś p'r al cûl la Sarah Palin), Berzerk e The Monster (cantàda cun la Rihanna acsè cuma Love the Way You Lie).

Al gh'à abû da spés di prubléma cun di àt'r artìsta cuma Benzino, Michael Jackson, la Mariah Carey e Moby.

• 1996 - Infinite
• 1999 - The Slim Shady LP
• 2000 - The Marshall Mathers LP
• 2002 - The Eminem Show
• 2004 - Encore
• 2009 - Relapse
• 2010 - Recovery
• 2013 - The Marshall Mathers LP 2
• 2017 - Revival
• 2018 - Kamikaze
• 2020 - Music to Be Murdered By
• 2024 - The Death of Slim Shady (Coup de Grâce)

• 2003 - The Singles
• 2005 - Curtain Call: The Hits
• 2006 - Eminem Presents the Re-Up
• 2014 - SHADY XV

• 2002 - Music from and Inspired by the Motion Picture 8 Mile
• 2015 - Southpaw (Music from and Inspired By the Motion Picture)

• 2001 - Devil's Night
• 2004 - D12 World

• 2011 - Hell: The Sequel

• 2000 - Da Hip Hop Witch, regìa ad Dale Rasteghini - camèo
• 2002 - The Wash, regìa ad Dj Pooh
• 2002 - 8 Mile, regìa ad Curtis Hanson
• 2009 - Funny People, regìa ad Judd Apatow - camèo
• 2014 - The Interview, regìa 'd Evan Goldberg e 'd Seth Rogen - camèo

• (EN) Al sò sit ufisiàł
• (EN) Filmugrafìa su IMDb

• Wikiquote contiene citazioni di o su Eminem
• Wikimedia Commons contiene file multimediali su Eminem