Our website is made possible by displaying online advertisements to our visitors.
Please consider supporting us by disabling your ad blocker.
Il fiore del male
|
C'l artìcul chè 'l è scrit in
Miranduléś |
 La fleur du mal
| ||
| Il fiore del male | ||
 Benoît Magimel e la Doutey in na figùra dal film | ||
| Al fiōr dal mâł 2003 | ||
|---|---|---|
| Regìa: Claude Chabrol | ||
| Scritōr: Louise L. Lambrichs Claude Chabrol • Caroline Eliacheff | ||
| Atōr: Benoît Magimel • Nathalie Baye • Henri Attal Suzanne Flon • Mélanie Doutey • Bernard Le Coq Thomas Chabrol • Jérôme Bertin • Yvon Crenn | ||
| Müsica: Matthieu Chabrol | ||
| Léngua: Francéś | ||
| Dürä dal film: 104 minüt | ||
| Nasiōṅ: Frància | ||
Il fiore del male (Al fiōr dal mâł) 'l è 'n thriller dramàtic francéś dal 2003 ad Claude Chabrol, al sinquantéśum dla sò caréra, trat da 'l rumànś Qui est criminelle? dla Caroline Eliacheff.
'L è stâ preśentâ in cuncōrs a 'l 53śum Fèstival ad Berlîṅ.
Sunt
Al śōvan François Vasseur (Benoît Magimel) al tórna in dla sò Bordeaux a catàr i suo dòp quàt'r an ch'l è via. Chi lò al n vōl minga bèṅ a sò pàdar Gérard (Bernard Le Coq), ch'l à sèmpar batśâ fals, catìṿ e òṅ ch'al pénsa sōl par lò, e 'd atra part al n créd gnanc 'd èsar sò fiōl dabòṅ. Adès Gérard al s è mis cun na sò èx cugnàda, l’Anne Charpin-Vasseur (Nathalie Baye), ch'l'è na pulìtiga candidàda a gl'elesiòṅ cumunàli. Da 'l prim matrimòni chi lē la gh'à abû na fiōla, la studènta 'd psiculugìa Michèle (Mélanie Doutey), che dònca l'è cuśìna e surelàstra, ma anc amànta in segrét, ad François.
Dòp na nòt 'd amōr in dla cà 'd famìja, i dū ragàs i dascóran 'd un vulantèṅ ch'i aṅ catâ ch'l in diś ad còti e 'd crudi su la famìja Charpin-Vasseur, di spetegulés catìṿ che la Michèle la créd i sìan òpra 'd Gérard adiritùra. Al ciàcri scriti lè insìma i dìśan ad pascàr al sasèṅ ad sò pàdar, al marè mòrt dl’Anne, fra i mémbar dla sò famìja.
Durànt al cuntéǵ di vōt, un Gérard imbariàg pódag al và in d'l ufìsi dla Michèle pruànd a far al purcùs sèg. Dòp na lòta fra i dū, 'l óm al strabùca par tèra e 'l mōr. Sò sîna Line (Suzanne Flon) la la juta a lugàr al cadàvar pò la gh cunfèsa ch'l'è stada lē a cupàr sò pàdar parchè al s éra mis da la part di naśìsta faghénd masàr sò fiōl e di àtar partigiàṅ. Par prutéśar sò anvōda, la vècia la s tōś lē la cólpa.
Culegamènt estéran
Previous Page Next Page
