Scene di caccia in bassa Baviera

Jagdszenen aus Niederbayern
Scene di caccia in bassa Baviera
L'Angela Winkler e Sperr in na figùra dal film
Séni 'd casa in dla Bavéra basa 1969
Regìa: Peter Fleischmann
Scritōr: Martin Sperr • Peter Fleischmann
Atōr: Martin Sperr • Angela Winkler • Else Quecke Hanna Schygulla • Michael Strixner • Ernst Wager Maria Stadler • Johann Brunner • Gunja Seiser Renate Sandner • Johann Lang • Johann Fuchs
Müsica: /
Léngua: Tedésc
Dürä dal film: 85 minüt
Nasiōṅ: Germàgna

Scene di caccia in bassa Baviera (Séni 'd casa in dla Bavéra basa) 'l è 'n film dramàtic dal 1969 ad Peter Fleischmann. 'L è stâ girâ in biànc e négar tulénd spunt da n'òpra c'n al stés nóm dal prutagunìsta Martin Sperr. La pelìcula l'è stada preśentàda a 'l 22śum Fèstival ad Cannes.

In Bavéra in alóra i s éran dimóndi incasâ par cal film chè tant ch'in soquànt cìnema i spetadōr i butàvan dal butìgli 'd bira cónt'r i schérum par prutestàr.

Abram (Martin Sperr) 'l è 'n śōvan ch'al fà 'l mecànig e ch'l è fiōl dla Barbara (Else Quecke). Dòp dimóndi tèmp i tórn'n in dla sò tèra, un vilàǵ cuntadèṅ dla Bavéra. La sò gint la gh dà cóntar parchè la pénsa ch'al sia 'n fnòć e ch'al sia sparî parchè mis dèntar par di at da malnét. A 'l inìsi 'l ragàs al n gh dà gnanc a mènt e al cuntìnua a giustàr i tratōr ma anc sò màdar la gh dà adòs. L'ùnica parsòna ch'la s davśìna a lò l'è l’Hannelore (Angela Winkler), la fiōla dal sìndig (Hans Elwenspoek) ch'a s diś la sia na rója ch'la và a lèt cun tut i masć dal paéś, e Ernst (Johann Lang), un baghét ciucâ in dla tèsta.

Quànd Abram e Ernst i vènan bcâ mént'r i s i daṅ par śōg, la gint la pénsa che lò al 'l àppia viulentâ, specialmènt la maslàra (Maria Stadler) la la pénsa acsè e l'è la più catìva sèg. A n sèrt punt a s vèṅ a savēr che l’Hannelore la gh'à 'd avér fiōl e che 'l pàdar a sarév Abram in parsòna.

• (EN) La schéda dal film in s'l IMDb
• (IT) La schéda dal film in sal FilmTV