Our website is made possible by displaying online advertisements to our visitors.
Please consider supporting us by disabling your ad blocker.
Un amore sotto l'albero
|
C'l artìcul chè 'l è scrit in
Miranduléś |
 Noel
| ||
| Un amore sotto l'albero | ||
 La Penélope Cruz e Walker in na figùra dal film | ||
| 'N amōr sóta 'l àlbar 2004 | ||
|---|---|---|
| Regìa: Chazz Palminteri | ||
| Scritōr: David Hubbard | ||
| Atōr: Susan Sarandon • Penélope Cruz Paul Walker • Carmen Ejogo • Robin Williams Sonny Marinelli • Daniel Sunjata • Alan Arkin Chazz Palminteri • Rob Daly • Marcus Thomas | ||
| Müsica: Alan Menken | ||
| Léngua: Ingléś • Spagnōl | ||
| Dürä dal film: 96 minüt | ||
| Nasiōṅ: Stat Unî • Cànada | ||
Un amore sotto l'albero (’N amōr sóta 'l àlbar) 'l è 'n film dramàtic dal 2004 ad Chazz Palminteri.
'L è stâ girâ a Montreal e 'l à muciâ sù dū migliòṅ e dū ad dòlar.
Sunt
New York, soquànt dè prima 'd Nadâł. L'editóra Rose Collins (Susan Sarandon) la n pasa minga dal bòni fèsti. Divursiàda da dimóndi an, cun na putìna ch'la gh'è mòrta péna nada, la dóna la gh'à na màdar misa mâł a 'l uśdàł cun 'l Alzheimer, l’Helen (Una Kay), tgnuda adrē p'r al dutōr Baron (John Doman). La sò segretària, la Karen (Jane Wheeler), la gh sugerìs ad pinsàr da piò a lē invéci che sèmp'r a chi àtar, piutòst a sarév méj ch'la s faśìs dar anc parchè a gh'è 'n śōvan ciamâ Marco (Daniel Sunjata) ch'al gh'à butâ gl'òć adòs. Ma la Rose la n gh la cava minga a tacàr na relasiòṅ sèg.
Al pulisiòt Mike Riley (Paul Walker) 'l à preparâ 'l nòsi cun la sò muróśa, la Nina Vasquez (Penélope Cruz), ma 'l sò difèt dla geluśìa al rìsćia 'd mandàr tut a gambi p'r ària. Un dè, mént'r al magna quèl a 'l risturànt c'n al sò culéga Dennis (Sonny Marinelli), a gh s para davànti al barìsta, Artie Venizelos (Alan Arkin), ch'al fà 'l dōls sèg, rigalànd-'g anc di biscutèṅ a 'l mandli saénd ch'i gh piàśan dimóndi. Cla sira lè, méntar la Nina l'è fóra cun la Rose, cgnusùda par caś, par far-as pasàr al magòṅ dal litgàdi sèg, Artie al và a cà 'd Mike dgénd-ag ch'l à arcgnusû in lò sò mujēr Angelina, mòrta in 'n incidènt in màchina soquànt an prima. Quànd al pulisiòt 'l al manda via, al barìsta al s sènt mâł e Mike 'l è custrét a purtàr-'l a 'l prònt sucōrs.
In cursìa Mike 'l incróśa 'n ragàs, Jules Calvert (Marcus Thomas), ch'al s è fat scavśàr apòsta i dî da 'n tisi ciamâ Arizona (Chazz Palminteri) par psēr armàgn'r a 'l uśdàł in chi dè 'd fèsta lè, esénd ch'al s è sèmpar catâ bèṅ a far al pasiènt durànt al Nadâł, in mèś a chi àtar, lò ch'l è sèmpar da par lò. In cal méntar la Rose, c'n adòs la depresiòṅ, la pénsa 'd butàr-'s in mâr ma a 'l ùltim, a 'l pòrt, a gh'è 'n èx prēt ch'al taca a dascórar sèg, Charlie Boyd (Robin Williams).
Culegamènt estéran
Previous Page Next Page
