Our website is made possible by displaying online advertisements to our visitors.
Please consider supporting us by disabling your ad blocker.
Voglio solo che mi amiate
|
C'l artìcul chè 'l è scrit in
Miranduléś |
 Ich will doch nur,daß ihr mich liebt | ||
| Voglio solo che mi amiate | ||
 Vitus Zeplichal in na figùra dal film | ||
| A vój sōl ch'a m vlidi bèṅ 1976 | ||
|---|---|---|
| Regìa: Rainer Werner Fassbinder | ||
| Scritōr: Rainer Werner Fassbinder | ||
| Atōr: Vitus Zeplichal • Elke Aberle • Armin Meier Alexander Allerson • Katharina Buchhammer Erni Mangold • Erika Runge • Johanna Hofer Lilo Pempeit • Ingrid Caven • Ellen Eckelmann Peer Raben • Wolfgang Hess • János Gönczöl | ||
| Müsica: Peer Raben | ||
| Léngua: Tedésc | ||
| Dürä dal film: 104 minüt | ||
| Nasiōṅ: Germàgna | ||
Voglio solo che mi amiate (A vój sōl ch'a m vlidi bèṅ) 'l è 'n film tedésc dramàtic dal 1976 ad Rainer Werner Fassbinder, girâ par la televiśiòṅ WDR druànd un budget 'd òtsènt-mila marc.
La senegiadùra l'è stada scrita tulénd spunt da di fat sucès dabòṅ.
Sunt
Peter Trepper (Vitus Zeplichal) 'l è 'n śuvnòt bavaréś ch'al viṿ c'n i suo in campàgna. Da pìcul al i à sèmpar ciapàdi da sò màdar Edith (Erni Mangold) che p'r insgnàr-'g a star a 'l mónd la druàva sèg na grùcia par mnar śò in dal cûl in fiṅ tant ch'la la scavśàva a fòrsa 'd bàtar méntar sò pàdar Ernst (Alexander Allerson) 'l andàva in n'atra cambra. Chi lò 'l éra da spés fóra 'd cà par lavōr e a n gh 'n è mai fargâ tant ad sò fiōl, na quàlc vòlta al gh ślungàva di bèsi giùst par tgnir-al schis e par dimustràr-ag d'l afèt. Dvintâ ragàs Peter al taca a far al muradōr e al tira sù na cà nóva p'r i sò genitōr giùst prima che sò màdar la dicidìs ad vénd'r al sò bar parchè la s éra stufàda ad sarvìr. Lò al gh'à sèmpar purtâ di fiōr in tuta la sò vita ma lē la gh'iva 'n pès ad giàs a 'l pòst dal cōr dònca la n gh dava mai a mènt.
Un dè Peter al cgnós na farmacìsta, l’Erika (Elke Aberle), e al gh s mét insém in pôc tèmp. Durànt na séna in cà di suo al gh diś ch'al vōl andàr a star a Mònag 'd Bavéra. Al partìs prima da par lò par catàr lavōr in dla sità più cara dla Germâgna e pò al tōś in afìt 'n apartamènt piculèṅ da 'l sò padròṅ p'r andàr-'g a star dòp avér finî la giurnàda in cantēr. Un dè al và a catàr la nóna dla sò dóna (Johanna Hofer), na vècia ch'la stà da par lē in sità anc lē, e al gh prumét ch'al gnarà da spés a far-ag vìśita quànd a gh sarà anc lē. La dóna l'iva decìś difàti 'd armàgar da 'l sò bandi spétand che lò al s giustìs bèṅ.
Dòp soquànt méś l’Erika la partìs p'r andàr a star da lò ma in cà a gh'è sōl un stramàs parchè i bèsi i èṅ pôc dimóndi. Al rèst di vistî la gh i mandarà sò màdar (Annemarie Wendl) quànd i turàṅ 'l armàri. Peter al còmpra i mòbii a rati dmandànd un finansiamènt in banca pò al taca a far di straurdinàri par ciapàr quèl da piò. Quànd a nas sò fiōl, che lò al ciàma cuma sò pàdar, al decìd ad cumpràr un brasalét 'd òr a l’Erika parchè al n gh vōl far mancàr gnint ma 'l dróa i bèsi ch'i gh sarvìvan par pagàr la rata. La banca la gh manda acsè 'l ufisiàł giudisiàri (Robert Naegele) a cà e lò 'l è custrét a dmandàr ajùt a sò pàdar ch'al gh'i dà ma sénsa dir-ag na paròla bòna, cuma se dar di bèsi a fus abàsta. Ma 'l sò deśidèri ad far ad cuntìnuv di rigài a sò mujér, na vòlta 'l è 'n vistî nóṿ, na vòlta na màchina da cuśìr, 'l al mét in buléta sparàda parchè 'l è custrét a cumpàr tut a rati e al n gh stà più dèntar.
'L ùnic quèl che Peter al sà far 'l è lauràr cum un négar ma 'l è custrét a tōr-as na vacànsa parchè p'r al tòp lavōr a gh fà mâł al stómag. Lò e l’Erika i decìdan 'd andàr a catàr i sò genitōr par dmandàr-'g un prèstit ma quànd i èṅ là a séna l’Edith la taca fóra 'n dascōrs che sò marè al gh'à 'd andàr al dè dòp a Nurimbèrga da 'l sò putàni mént'r Ernst al gh rispónd ch'a lē a gh dà fastìdi invéci 'l fat che cl'atra dóna la n l'è minga. Peter al n gh'à minga 'l curàǵ ad dmandàr di bèsi, anc parchè al vōl cavàr-'g-la da par lò, ma sò pàdar al gh i śibìs da par lò.
Turnâ a cà Peter al fà fadìga a turnàr a lauràr. Dòp avér dmandâ di bèsi anc a la nóna 'd sò mujér, al pasa a 'l bar par bév'r un bicér e par ciamàr sò pàdar p'r avér di àtar bèsi. Quànd a riva dènt'r al fiōl sfadigâ (Dieter Schidor) d'l òst (Janos Gönczöl) par dmandàr na bira, chi lò, ch'a pâr Ernst spudâ, al gh diś 'd andàr via parchè 'l è sōl un piōć e 'n bòṅdagnìnt. Peter al pèrd la tèsta, al ciàpa in maṅ al telèfun e al gh al śbraga in cô, pò 'l al finìs strusànd-al.
Culegamènt estéran
Previous Page Next Page
أنا فقط أريدك أن تحبني (فيلم) Arabic Ich will doch nur, daß ihr mich liebt Catalan Ich will doch nur, daß ihr mich liebt German I Only Want You to Love Me English Je veux seulement que vous m'aimiez French Voglio solo che voi mi amiate Italian Ich will doch nur, daß ihr mich liebt Dutch Я только хочу, чтобы вы меня любили Russian Ich will doch nur, daß ihr mich liebt SH
