Afrikusona Civilrajta Movado

Afrikusona Civilrajta Movado
movado por civitanaj rajtoj black movement (en)
politika movado
Komenco	1954 vd
Fino	1968 vd
Antaŭe	Long Civil Rights Movement • Civil rights movement (1896–1954) vd
Lando(j)	Usono vd
v • d • r

La Afrikusona Civilrajta Movado aŭ Usona movado por civilaj rajtoj (en la angla: African-American Civil Rights Movement) enhavas la agadon de sociaj movadoj en Usono kies celo estas finigi rasisman segregaciadon kaj diskriminaciadon kiuj funkciis kontraŭ afrik-usonanoj kaj sekurigi la konstitucian balotrajton al ili. Tiu artikolo kovras la fazon de la movado inter 1954 kaj 1968, partikulare ĉe la Sudo.

Tiu movado estis karakterizata de grandaj kampanjoj de civila rezistado. Inter 1955 kaj 1968, okazis agoj de senperforta protestado kaj civila malobeo kiu okazigis krizajn situaciojn inter aktivuloj kaj registaraj aŭtoritatoj. Federalaj, subŝtataj, kaj lokaj registaroj, negocoj kaj komunumoj ofte devis respondi tuje al tiuj situacioj kiuj fokusigis la malegalecojn kiujn devis fronti la afrik-usonanoj. Formoj de protesto kaj/aŭ civila malobeo estis bojkoto kiaj la sukcesa busa bojkoto de Montgomery (1955–56) en Alabamo; surstrata "amassidado" kiaj la influaj amassidadoj de Greensboro (1960) en Norda Karolino; manifestacioj, kiaj la Marŝo el Selma al Montgomery (1965) en Alabamo; kaj ampleksa gamo de aliaj neperfortaj aktivaĵoj.