Altburg (burgo)

Altburg estas rekonstruita kelta setlejo apud Bundenbach en la germana mezmontaro Hunsrück. Ĝi situas sur ĉ. unuhektara granda altebenaĵo sur la valo de la Hahnenbach. Sur la vidalvida monteto troviĝas la ruino de la Schmidtburg. En tuja proksimeco estas la iama ardeza ŝtonminejo Herrenberg, kiu estas uzata hodiaŭ kiel vizitminejo. La malgranda fortikaĵo estis uzata de la kelta popolo treveroj en la 2-a kaj 1-a jarcento antaŭ nia erao. La subĉiela muzeo ekzistas ekde 1988.