Decembro de 2013

Jen listo de iuj aparte menciataj okazaĵoj el la eventoj de decembro 2013.

5-a de decembro

• Forpasis Nelson Mandela, iama prezidanto de Sudafrika Respubliko kaj kontraŭ-apartisma batalanto.

12-a de decembro

• Jang Sung-taek, numero du de la Nord-Korea reĝimo, estis eksigita kaj ekzekutita.

15-a de decembro

• Publikiĝis la konsisto de la nova registaro de Germanio, kiu inkludas ministrojn kaj konservativajn kaj socialdemokratajn.

16-a de decembro

• Post la dua fazo de la prezidentaj balotoj en Ĉilio la maldekstra Michelle Bachelet proklamiĝis prezidento.

20-a de decembro

• Miloj da loĝantoj fuĝas el luktado inter rivalaj naciaj movadoj en Sud-Sudano.

25-a de decembro

• Rusa krozoŝipo Akademik Ŝokalskij fariĝis kaptita de glacio kelkajn mejlojn de la bordo de Antarkto.
• Neatendite forpasis Ljubomir Trifonĉovski, bulgara esperantisto kaj pupteatristo.

30-a de decembro

• Du atencoj en la urbo Volgogrado okazigas entute pli ol 25 mortojn.