Distordo (apartigilo)

Distordo estas ŝanĝiĝo de la origine regula formo de objekto, bildo, sono aŭ ondo. Kaj laŭ la fako, oni povas distingi plurajn signifojn.

• Pri optiko, distordo estas aberacio de optika sistemo aŭ unuopa lenso, konsistanta en tio, ke bildo transdonata estas kurbe reproduktata.
• Pri elektrotekniko, distordo estas nedeziderata ŝanĝo de formo laŭ la tempo de perioda elektra aŭ magneta signalo.
• Pri akustiko, distordo estas neĝusta reprodukto de sono pro sendilo, ricevilo aŭ amplifilo.
• En ortopedio, distordo estas perforta malpoziciigo de ostoj, kun difektiĝoj de la artikoj aŭ rektaj rompoj de unuopa osto, inkluzive de krizaj malpoziciigoj de la vertebraro, kio per difektiĝo de la mjelo povas konduki al paralizo aŭ morto.