Elektronvolto

Elektronvolto (mallonge eV) estas mezurunuo de energio.

Elektronvolto estas energio, kiun ekhavas elektrono (aŭ aĵo kun la sama elektra ŝargo) trairante tension je 1 volto.

Elektronvolto estas ankaŭ uzata en la formulado de maso en partikla fiziko, kaj pro la formulo E=m·c², sekvas ke la kutima mezurunuo estas la GeV/c².

Ĉar elektra ŝargo de elektrono estas −1,60217653(14)×10⁻¹⁹ kulomboj do

1 elektronvolto = 1,60217653(14)×10⁻¹⁹ ĵuloj .

Notu, ke signon de la ŝargo oni ĉi tie malatentas, estas prenite ke elektronvolto estas valoro.

Mallongigoj kaj oblaj unuoj:

• keV estas kiloelektronvolto, kio estas 1000 elektronvoltoj
• MeV estas megaelektronvolto, kio estas 10⁶ elektronvoltoj
• GeV estas gigaelektronvolto, kio estas 10⁹ elektronvoltoj
• TeV estas teraelektronvolto, kio estas 10¹² elektronvoltoj