Epidemio

Epidemio (el la greka ἐπί [epi] "sur aŭ supre" kaj δῆμος [demos] "popolo") estas rapida malsaniĝo de multaj homoj, ekzemple de pesto aŭ de ĥolero, en limigita teritorio.

La lasta vasta epidemio, trafinta Eŭropo, estis la Ĥolera epidemio de 1832, poste estis la gripo de 1918, kiu estis tutterskala.

Aliaj gravaj epidemioj:

• Nigra pesto de la 14-a jarcento
• Ĥolera epidemio en Egiptio ĉirkaŭ 1945 (kiu estis temo de la filmo fare de Jussef Chahine kun Dalida kiel ĉefaktorino)
• Aidoso
• Ebola epidemio en Okcidenta Afriko (2014)
• Epidemio de 2019-nCoV

En septembro 2019 la anaro Tutmonda Gvatkomitato pri Prepareco (angle Global Preparedness Monitoring Board) transdonis al la ŝtatestroj ĉe la Ĝenerala Asembleo de Unuiĝintaj Nacioj raporton, en kiu la fakuloj avertis, ke la mondo estas danĝere nepreparita por la sekva pandemio, kiu povus mortigi ĝis 80 milionojn da homoj kaj okazigi grandegajn ekonomiajn perdojn.