Essen

Por samtitola artikolo vidu la paĝon Essen (apartigilo).

Essen
DEC
universitata urbo • urbego • urba komunumo de Germanio • Hansa urbo • eksterdistrikta urbo de Nordrejn-Vestfalio • "opcia komunumo" pri iuj sociaj servoj
Ĝemelurboj Sunderland • Tampere • Grenoblo • Niĵnij Novgorod • Tel-Avivo • Zabrze vd
Administrado
Federacia lando	Nordrejn-Vestfalio
Distriktaro	Distriktaro Düsseldorf
Distrikto	eksterdistrikta urbo
Urborajtoj	Urbo (Stadt)
Telefona antaŭkodo	0201, 02054 (Kettwig)
Poŝtkodo	45001–45359
Aŭtomobila kodo	E
Oficiala Municipokodo	05113000
NUTS	DEA13
Politiko
Komunumestro	Thomas Kufen
Partio de komunumestro	CDU
Adreso de la administrejo	Porscheplatz 1 45121 Essen
Demografio
Loĝantaro	584580 (stato 2022-12-31) [fonto: landa statistika oficejo]
Geografio
Geografia situo	51° 27′ N, 7° 1′ O (mapo)51.4508333333337.0130555555556Koordinatoj: 51° 27′ N, 7° 1′ O (mapo)
Alto super la marnivelo	116 m
Areo	210 km²
Oficiala retejo	https://www.essen.de/
v • d • r

Essen (esperante: Asindo) estas grandurbo en la centro de la Ruhr-regiono en Nordrejn-Vestfalio, Germanio. La eksterdistrikta urbo en la distriktaro Duseldorfo, ĝi estas unu el la supraj centroj de la federacia lando kaj kun siaj ĉirkaŭ 582 000 loĝantoj troviĝas inter la plej grandaj germanaj urboj. Depende de la nombrodato kaj fonto ĝi okupas apud Dortmundo kaj Stutgarto la 7-an aŭ 8-an rangon. La Eŭropa Kultura Ĉefurbo de la jaro 2010, ĝi estas membro de la regiona ligo Rejnlando kaj la regiona ligo Ruhr.

Estinte unu el la plej gravaj centroj de la minindustrio en Germanio kun propra Kuxbörse (borso, en kiu oni komercas per akcioj de minejsocietoj), Essen nuntempe havas gravan servosektoron, kvankam ĝi konservas ankoraŭ industriajn trajtojn. Ekde 1958 la urbo estas sidejo de romkatolika episkopo kaj ekde 1972 universitata urbo. Komence de 2003 la Universitato Essen estis unuigita kun la Gerhard-Mercator-Universitato en Duisburg al Universitato Duisburg-Essen.