Februaro de 2022

Jen listo de okazaĵoj en februaro 2022:

2-a de februaro 2022

• Lavango de koto kaŭzis almenaŭ 24 mortojn en Ekvadoro.

4-a de februaro 2022

• Okazis en la Nacia stadiono de Pekino la malferma ceremonio de la Vintra Olimpiko 2022.

6-a de februaro 2022

• En Kameruno en la finalo de la Afrika Pokalo de Nacioj 2021 (prokrastita pro la pandemio) venkis la teamo de Senegalo post egaleco en fina serio de penaloj 4-2 kontraŭ tiu de Egiptio.
• Mortis 92-jaraĝa fama kantistino de Barato nome Lata Mangeŝkar.

7-a de februaro 2022

• La ciklono Baciraj okazigis grandajn damaĝojn en Madagaskaro kaj 100 mortojn.
• La franca prezidanto Emmanuel Macron aparte renkontas siajn rusan kaj ukrainian samrangulojn, provante antaŭenigi solvadon de diplomata konflikto pri Ukrainio inter Rusio kaj iuj okcidentaj landoj.

10-a de februaro 2022

• En Moskvo (Rusio) okazis renkontiĝo de brita ministro pri eksteraj aferoj Liz Truss kaj ŝia rusia kolego Sergej Lavrov. Oni priparolis precipe la politikan kaj militan situacion rilatan al Ukrainio. Pli detale ĉe Vikinovaĵoj.

16-a de februaro 2022

• La Reĝa Societo de Tajlando publikigis novan gvidilon pri toponimoj, kiu interalie proponis ŝanĝi skribon de la oficiala nomo de la ĉefurbo de Tajlando por proksimigi ĝin al la origina taja nomo. Pli detale ĉe Vikinovaĵoj.

20-a de februaro 2022

• Okazis en la Nacia stadiono de Pekino la ferma ceremonio de la Vintra Olimpiko 2022.
• Estas jam 176 mortoj kaj pli ol 200 malaperintoj pro inundoj en la ŝtato Rio de Janeiro, Brazilo.

21-a de februaro 2022

• Prezidanto de Rusio Vladimir Putin subskribis dekretojn agnoskantajn la sendependecon de Donecka Popola Respubliko kaj Luganska Popola Respubliko. UN kaj multaj landoj malaprobis ĉi tiun decidon. Pli detale ĉe Vikinovaĵoj.

24-a de februaro 2022

• Prezidanto de Rusio Vladimir Putin alparolis la nacion en urĝa alvoko kaj informis pri komenco de speciala operaco en Ukrainio. Sekvis atakoj de rusiaj trupoj, kiuj eniris Ukrainion de pluraj flankoj kaj atakis militajn objektojn. Pli detale ĉe Vikinovaĵoj.

25-a de februaro 2022

• Invado de Rusio en Ukrainion: rusiaj trupoj alvenis ĝis Kievo; ukraina registaro agnoskis pli ol 100 mortoj.

26-a de februaro 2022

• Invado de Rusio en Ukrainion: oni raportis 200 mortojn kaj milon da vunditoj. Inter 50 000 kaj 100 000 ukrainoj fuĝis el la lando kaj multaj aliaj klopodas same fari.

27-a de februaro 2022

• Rusiaj trupoj eniris en Berdjansk, Melitopol kaj Ĥerson sude kaj en Ĥarkov norde, kie pluas rezisto same kiel en Kieva provinco.
• Unuafoje en sia historio, Eŭropa Unio decidis propranome havigi armilojn al militanta lando, ĉi-foje al Ukrainio kadre de la rusia invado.

28-a de februaro 2022

• Alvenis al la limo inter Ukrainio kaj Belorusio ukraina delegitaro por batalĉesa negocado. La ukraina prezidanto Volodimir Zelenskij petis aligon de Ukrainio al la Eŭropa Unio. Jam 500 000 ukrainiaj rifuĝintoj alvenis en la najbarajn okcidentajn landojn.