Francis Bacon

Francis Bacon
Persona informo
Francis Bacon
Naskiĝo	22-an de januaro 1561 (1561-01-22) en York House, Strand
Morto	9-an de aprilo 1626 (1626-04-09) (65-jaraĝa) en Highgate
Mortis pro	Naturaj kialoj vd
Mortis per	Pneŭmonito vd
Tombo	St Michael's Church, St Albans (en) vd
Religio	Anglikanismo vd
Etno	Angloj vd
Lingvoj	latina • angla vd
Ŝtataneco	Reĝlando Anglio vd
Alma mater	Trinity College Universitato de Poitiers vd
Subskribo
Familio
Patro	Nicholas Bacon (en) vd
Patrino	Anne Bacon (en) vd
Gefratoj	Elizabeth Bacon (en) , Anthony Bacon (en) , Nathaniel Bacon (en) , Edward Bacon (en) , Sir Nicholas Bacon, 1st Baronet, of Redgrave (en) kaj Anne Bacon (en) vd
Edz(in)o	Alice Barnham (en) (1606–1625) vd
Profesio
Okupo	filozofo advokato astrologo sciencisto politikisto verkisto juĝisto historiisto vd
Laborkampo	Filozofio, sciencisto, filozofo, politikisto, epistemologio, empiriismo, politiko, scienco kaj historio vd
Aktiva dum	1576–1626 vd
Verkado
Verkoj	Nova Atlantido ❦ indukta logiko vd
Postenoj Postenoj Lordkanceliero (1617–1621) Attorney General for England and Wales (en) (1613–1617) Solicitor General for England and Wales (en) (1607–1613) Member of the 1597-98 Parliament (en) Member of the 1614 Parliament (en) Member of the 1601 Parliament (en) Member of the 1604-11 Parliament (en) Member of the 1593 Parliament (en) Member of the 1586-87 Parliament (en) Member of the 1589 Parliament (en) Member of the 1572-83 Parliament (en) Member of the 1584-85 Parliament (en) ano de Parlamento de Anglio vd
Honorigoj Honorigoj  kavaliro bakalaŭro vd
Membrecoj Membrecoj Gray's Inn vd
vd	Fonto: Vikidatumoj
v • d • r

Francisko BAKONO, originale Francis BACON [frensis bejken], (naskiĝis la 21-an de januaro 1561, mortis la 9-an de aprilo 1626) estis angla filozofo kaj fondinto de moderna scienco (kun Galilejo kaj Kartezio). Li etendis la ideon de scienco de Aristotelo kaj estas fama pro siaj eseoj. Li ankaŭ verkis poemojn kaj ankaŭ romanon pri utopio, Nova Atlantido. Kvankam li persone ne estis tre simpatia, pro lia korupteco kaj malhonesteco en sia politika kariero, li estis grava kaj valora filozofo.

Bakono skribis pri siaj novaj ideoj pri scienco en sia majstra verko, Nova Organo (latine, Novum Organum). La malnova organo estis la Organo de Aristotelo, verko pri logiko kaj la naturo de scienco. En la tago de Bacon, Aristotelo estis la plej alta aŭtoritato pri filozofio kaj scienco. Tiuj, kiuj iris al universitato por studi filozofion aŭ sciencon (tiama nomita "natura filozofio"), estis instruitaj pri la penso de Aristotelo. Aristotelo donis al la Okcidento mondbildon kaj logikan metodon de penso pri ĝi. Bacon, Galilejo kaj Kartezio radike ŝanĝis tion.

Kaj Aristotelo kaj Bacon (kaj ankaŭ Kartezio) pensis profunde pri la demando, Kiel pensi kaj scii pri la mondo? Iliaj respondoj estis malsamaj.

Laŭ Aristotelo, scienco estas simile al geometrio: el iuj aksiomoj (antaŭsupozitaj, memevidentaj asertoj) kaj faktoj, sciencisto logike deduktas aliajn asertojn, kaj tiele disvolvigas kampon de scio (disciplino). Aksiomoj kaj fakto estas la brulaĵo de scienco, sed dedukto estas la motoro.

Laŭ Bacon, ĉi tiu motoro ne estis sufiĉe forta. Ekzemple, sole per dedukto, oni ne povus konkludi aŭ scii ke la suno morgaŭ leviĝos. Tial al la logiko de Aristotelo, Bakono aldonis indukton: se io okazas sufiĉe ripete aŭ estas ripetigebla, oni povas antaŭdiri, ke ĝi okazos denove, se la sama antaŭa stato denove okazos. Ekzemple, se tagiĝo ĉiam okazos post nokto, tiam se nun estas nokto, la tagiĝo baldaŭ kaj fidinde venos poste. La filozofo Hume poste klarigis la kiamon kaj kialon de indukto en sia verko, Pri Homa Kompreno.

Ĉi tiu disvolvigo de Bacon — lia nova organo de logiko — estas prudenta, sed ĝi ne klare kaj necese sekvas el la logiko de Aristotelo.

Kune kun indukto venas alia ŝanĝo pri la naturo de scienco: al Aristotelo la celo de scienco estis klarigi la mondon. Sed al Bakono la celo de scienco estis antaŭdiri la estonton kaj per tio regi naturon. Laŭ Bacon, "scio mem estas potenco". Scienco ne kiel la servanto de vero (Aristotelo, Tomaso de Akvino, Galilejo), sed kiel la servanto de homoj kaj iliaj maŝinoj.

Alia emfazo de moderna scienco kiu devenas de la nova bakona logiko estas ke la sciebla estas la ripetema kaj inverse. Hume poste uzis tion per malpruvi la realecon de mirakloj, subtekste identiginte realon kun la sciebla, mallarĝiginte la mondbildon de la Okcidento.