Georg Marcgraf

Georgo Markgrafo (1610-1644)
Germana naturalisto, botanikisto kaj esploristo en Sudameriko.
Persona informo
Georg Marcgrave
Naskiĝo	20-a de septembro 1610 en Liebstadt,  Germanio
Morto	1644 en São Paulo de Loanda,  Angolo
Lingvoj	germana vd
Loĝloko	Germanio vd
Ŝtataneco	Germanio Sankta Romia Imperio vd
Alma mater	Universitato de Lejdeno Universitato de Rostock Universitato de Lepsiko Universitato de Strasburgo Universitato de Erfurto Universitato de Wittenberg Universitato de Altdorf
Profesio
Okupo	astronomo zoologo ornitologo kartografo esploristo botanikisto meteologo vd
Laborkampo	Plantoscienco vd
Aktiva en	Nederlanda Brazilo • Angolo • Dutch Gold Coast vd
vd	Fonto: Vikidatumoj
v • d • r

Georg Marggraf (laŭ diversaj skribsistemoj ankaŭ skribita kiel Marcgraf, Markgraf aŭ Marcgrave; 1610-1644) estis germana matematikisto, naturalisto, botanikisto, pentristo, akvarelisto, kartografo, kaj sciencisto kiu partoprenis en la ekspedicio de la grafo Maŭrico de Nasaŭ-Sigeno (1604-1679), ĝenerala guberniestro de la nederlandaj kolonioj en Brazilo. En biologia nomenklaturo li estas referencata kiel Marcgr.

Lia patro estis pedagogo, rektoro kaj orgenisto, lia patrino estis filino de pastoro. Li studis botanikon kaj medicinon en la Universitato de Rostock. En 1636, li revenis al Leiden kie li studis matematikon, botanikon kaj astronomion. Marggraf ŝatadis aritmetikon, desegnon kaj logaritmojn. Dank'al la propeto de Johannes de Laet (1581–1649), li estas indikita kiel asistanto al Willem Piso. Inter 1638 kaj 1644 li estis parto de grupo da 64 sciencistoj, paŝtistoj, ĉarpentistoj, kiuj akompanis la grafon Maŭricon de Nasaŭ, kiu intencis krei nederlandan restadejon en Brazilon. Kiel esploristo, Markgraf faris parton el pluraj ekspedicioj: la unua al la subŝtato Cearao, krom aliaj por studi la naturas historion kaj la geografion de la lando.

Kiel ilustristo, li estis amiko de la pejzaĝo-pentristo Frans Post kaj de la pentristo Albert Eckhout. Lia granda mapo de Brazilo, kiel grava evento en la historio de la kartografio, estis publikigitaen 1647. Laŭ Georges Cuvier (1769-1832), Markgraf estis tre kapabla kaj tre preciza el ĉiuj tiuj priskribantaj la naturan historion el malproksimaj landoj dum la 16-a kaj 17-a jarcentoj.