Idiomo

Idiomo (de la antikva greka ἰδίωμα, idíōma, "apartaĵo") estas lingvistika termino por naturlingva signa sistemo, kiun oni uzas en la kazoj, kiam estas malfacile elekti inter la du aliaj terminoj — dialekto kaj lingvo — aŭ kiam dialektoj kaj lingvoj estas grupigataj kune (ekz., "ĉiuj idiomoj de la regiono"). La Plena Ilustrita Vortaro de Esperanto (PIV) divinas ĝin kiel "parola komunikilo de difinita homgrupo".^[1]

Difino de la termino "dialekto" daŭre estas unu el la problemoj de lingvistiko. Plej ofte elekto inter la nomoj "dialekto" kaj "lingvo" estas nur tradicia aŭ dependas de la vidpunkto (kiel en la kazo de italiaj idiomoj, kiuj jen estas nomataj italaj dialektoj, jen apartaj lingvoj).

1. ↑ artikolo idiomo en la Plena Ilustrita Vortaro de Esperanto (PIV), eldono de 2020, reta versio, ankaŭ jam en la presite publikigita unua eldono de 1970, paĝo 408