Karsto

Karsto estas kalka regiono, kiu montras karakterizan erozion pro dissolvo de la kalkpetroj fare de akvoj riĉaj je karbona dioksido (CO₂). Temas do ne pri ŝtono, sed pri pejzaĝo, kiu povas troviĝi ĉefe en kalkoŝtono, sed ankaŭ en kreto aŭ marmoro. En tiu medio formiĝas multaj kavernoj pro la fluado de akvo.

Ĝia nomo devenas el regiono Karst ĉe Slovenio kaj Kroatio, kie unue oni studis tiun ĉi fenomenon.