Kompoto

Kompoto estas deserto el kuiritaj aŭ konfititaj fruktoj.

Oni kutime manĝas kompoton kune kun aliaj, bakitaj desertoj, precipe tiaj el ovoj aŭ/kaj faruno, sed en iuj landoj ankaŭ kun viandaj pladoj.

Por prepari kompoton, oni kuiras pecojn de fruktoj en sukera siropo. La siropo povas esti spicita per vanilo, ŝelo de citruso, cinamo, kariofilo, migdaloj, sekvinberoj kaj aliaj spicoj kaj kromaĵoj.