Moravo

Ne konfuzu ĉi tiun artikolon kun Granda Morava aŭ Moravio.

Moravo
ĉeĥe: Morava, germane: March, hungare: Morva, pole: Morawa
rivero
Moravo apud Bzenec
Landoj	Ĉeĥio,  Slovakio,  Aŭstrio
Regionoj	7  - Regiono Pardubice Ĉeĥio  - Regiono Olomouc Ĉeĥio  - Regiono Zlín Ĉeĥio  - Sudmoravia regiono Ĉeĥio  - Regiono Trnava Slovakio  - Regiono Bratislavo Slovakio  - Malsupra Aŭstrio Aŭstrio
Fontrivero	Moravo
- situo	sub Králický Sněžník
- alteco	1 370,67 m
- koordinatoj	50° 12′ 18″ N 16° 50′ 57″ O / 50.20500 °N, 16.84917 °O / 50.20500; 16.84917 (mapo)
Enfluejo	en Danubon
- alteco	177 m
- koordinatoj	48° 10′ 25″ N 16° 58′ 33″ O / 48.17361 °N, 16.97583 °O / 48.17361; 16.97583 (mapo)
Suma longo	354 km (220 mi)
Suma akvokolektejo	26 658 km² (2 665 800 ha)
Trafluo
- mezproksima	120,0 m³/s
Hidrologia vico	4-10-01-001
Situo de enfluuejo enkadre de Slovakio
Fluo de rivero Moravo tra Ĉeĥio, Slovakio kaj Aŭstrio
Vikimedia Komunejo: Morava River

Moravo (ĉeĥe kaj slovake Morava, germane March) estas la plej signifa kaj la plej longa rivero en Moravio. Ĝi estas alfluo de rivero Danubo, en kiun ĝi enfluas de maldekstre ĉe la slovaka urbo Bratislava. Ĝi fontas ĉe Králický Sněžník en la supermara alteco de 1.380 m kaj ĝia longeco de fluo estas 353 km. Ĝia moravia parto ĝis kunfluejo kun la plej alflua rivero Dyje estas la plej malalta kaj samtempe la plej suda loko de Moravio.

Pejzaĝe interesajn sektorojn kreas precipe la regiono de Litovelské Pomoraví kaj karstaj aperaĵoj en la karsto de Mladeč. En Malsupramoravia valego estas en vala herbejo centroj kun signifaj arĥeologiaj malkovroj el la tempo de la Grandmoravia regno (Staré Město, Mikulčice) kaj kun pli postaj akvaj burgoj (Napajedla, Uherské Hradiště, Uherský Ostroh, Veselí nad Moravou, Strážnice, Hodonín).

Teĥnike eminenta projekto, la Baťa-kanalo - historia akva vojo realigita en la 1930-aj jaroj de la entreprenisto Tomáš Baťa - meritas apartan atentemon en Dolnomoravský úval. La kanalo estis 50 km longa kaj ĝi kondukis el urbo Otrokovice ĝis Rohatec, de kie estis transportota lignito. En la jaro 1937 komenciĝis por mallonga tempo ankaŭ ŝarĝnavigado.

Pro iniciato de ekinteresiĝintaj urboj kaj vilaĝoj, subtenita de la Eŭropa Komisiono, oni sukcesis komenci uzi la kanalon ankaŭ por turismaj celoj. En la jaro 1999 povis esti komencita trafiko en la sektoro Otrokovice – Strážnice. La navigado, kiun eblas kunigi kun trarigardo de kulturmemorindaĵoj, folkloraj interesaĵoj kaj aliaj, daŭras proksimume 12 horojn, je dispono estas pruntedonejoj de boatoj, kampadejoj kaj banejoj.