Paul Bocuse

Paul Bocuse
Persona informo
Naskonomo	Paul François Pierre Bocuse
Naskiĝo	11-an de februaro 1926 (1926-02-11) en Collonges-au-Mont-d'Or
Morto	20-an de januaro 2018 (2018-01-20) (91-jaraĝa) en Collonges-au-Mont-d'Or
Mortokialo	Parkinsona malsano
Tombo	cemetery of Collonges-au-Mont-d'Or (en)
Lingvoj	franca
Ŝtataneco	Francio
Subskribo
Familio
Patro	Georges Bocuse
Infano	Jérôme Bocuse
Okupo
Okupo	ĉefkuiristo entreprenisto
TTT
Retejo	https://bocuse.fr/fr/
v • d • r

Paul Bocuse (naskiĝis la 11-an de februaro, 1926 en Collonges-au-Mont-d'Or apud Lyon, mortis la 20-a de januaro, 2018 en Collonges-au-Mont-d'Or)^[1] estas franca kuirmajstro, konsiderata kiel unu el la plej bonaj kuiristoj de la 20-a jarcento.

Bocuse estas unu el la plej prominentaj ĉefoj ligitaj kun la Nouvelle Cuisine (la termino unue estis uzata en gazeta artikolo en 1972), kiu estas malpli abunda kaj multkaloria ol la tradicia haute cuisine, kaj substrekas la gravecon de freŝaj ingrediencoj de la plej alta kvalito.

Li gvidis la luksan restoracion l'Auberge du Pont de Collonges en sia hejmurbo, kiel ankaŭ ĉenon da brasseries (bierejoj) sub sia licenco. Paul Bocuse havis plurajn lernantojn, multaj el ili mem fariĝis famaj ĉefoj. Unu el ili estis Eckart Witzigmann, la unua germana ĉefkuiristo kiu ricevis tri stelojn.

Ekde la jaro 1987, la premio Bocuse d'Or estas konsiderata kiel la plej prestiĝa premio por ĉefoj en la mondo (almenaŭ rilate la francan kuirarton), kaj kelkfoje rigardata kiel la neoficiala monda ĉampionkonkurso por kuirĉefoj. La lando kiu gajnis la premion ne rajtas partopreni en la sekva ĉampionkonkurso.

1. ↑ Thibaut Danancher, Paul Bocuse, le pape de la gastronomie, est mort, Le Point, 20/01/2018