Petrologio

Petrologio estas la scienca fako pri la strukturo kaj la ekesto de la rokaĵoj (petroj). Ĝi estas unu el la tersciencoj.

Petrologio dividiĝas je priskriba parto, Petrografio, kaj Petrologio striktasenca, kiu esploras la ekeston (genezon) de la rokaĵoj kun iliaj geokemiaj kaj geofizikaj ekestokondiĉoj.

Petrografio donas nomojn al la rokaĵoj, priskribas ilian strukturon, ilian troviĝon en iom grandskala geologia ĉirkaŭo, kaj iliajn kemiajn/mineralogiajn ecojn. En la petrologio oni kombinas la metodojn de la geokemio (kemian analitikon) kun la metodoj de la Petrografio (Naturobservadoj kaj maldikŝlif-esploroj je ŝtonaĵpreparatoj). Krome oni provas ekkompreni la naturon per eksperimenta ripeto.

Petrologio distingas tri grupojn da rokaĵoj, laŭ ilia ekesto:

• magmaj rokaĵoj
• metamorfaĵoj
• sedimentaj rokaĵoj