Portalo:Ludoj

Portalo pri ludoj

Ludoj estas homa agado por amuziĝo en kiu unu aŭ pli da partoprenantoj (la "ludantoj") sekvas aron da reguloj, normale kontraŭ aliaj ludantoj, en konkurso. Iuj ludoj estas tre antikvaj kaj ankoraŭ estas ludataj hodiaŭ, kiel Goo kaj Mankalo.

Kartludoj kaj tabulludoj estas popularaj ŝatokupoj por junuloj kaj maljunuloj kiuj uzas specialajn ludpecojn. Rolludoj estas speco de ludoj, kiuj permesas al la ludanto krei kaj gvidi rolulon en amasrakonto farata de la ludantoj. Oni povas ludi videoludojn per videoludiloj. Sporto estas speco de ludo kiu postulas atletan sperton, ankaŭ ofte por la amuzado de spektantaro.

Artikolo de la monato

red.

Papero, tondilo, ŝtono estas ludo por du personoj ludata per manoj. Ĝi estas konata internacie laŭ multaj malsamaj nomoj, tamen la simplaj reguloj estas la samaj. Kune la ludantoj nombras ĝis tri, kaj je "tri" ili montras manfiguron. La tondilo venkas la paperon; la papero venkas la ŝtonon; kaj la ŝtono venkas la tondilon. Pro la simplaj reguloj, ĝi ofte estas uzata kiel elemento de aliaj ludoj, kiel rolludoj. Malgraŭ la ŝajna hazardeco de la ludo, la strategio devigas komprenon de la psiĥologio de la kontraŭulo.