Taksuso

Taksuso
Taxus Baccata
Biologia klasado
Regno: Plantoj ‘‘Plantae’’ Filumo: Pinofitoj Pinophyta Klaso: Pinopsidoj Pinopsida Ordo: Pinaloj Pinales Familio: Taksusacoj Taxaceae Genro: Taksuso Taxus
Specioj
Vidu tekston
Aliaj Vikimediaj projektoj
Sistematiko en Vikispecioj
Komunejo pri Taksuso
v • d • r

Taksuso (Taxus) estas genro kun multaj specioj. Plej konata estas la eŭropa taksuso (Taxus baccata), kiu estas unuseksa planto. La folioj estas malhelverdaj, la pingloj plataj kaj staras kombilforme. Ĝi ne havas tipan strobilon, rezinoduktojn. La tuta planto enhavas venenan alkaloidon (taksanon), kiu tre danĝeras por ĉevaloj, ŝafoj, bovoj, kiuj volonte manĝas la plantoŝosojn. La ligno estas ruĝbruna, kompakta, tiel valora kaj peza. En mezepoko ĝi multe utilis por fari pafarkojn.

La gineceaj floroj enhavas surpinte unu ovolon. La nigrajn semojn kovras grajnomantelo (arillus) suka, ruĝa, pinte malfermita.

Specioj:

• Taxus baccata (Eŭropa taksuso)
• Taxus brevifolia (Okcidentusona taksuso)
• Taxus canadensis (Kanada taksuso)
• Taxus chinensis (Ĉina taksuso)
• Taxus cuspidata (Iĉii aŭ Daisenkjaraboku Japana taksuso)
• Taxus floridana (Florida taksuso)
• Taxus globosa (Meksika taksuso)
• Taxus mairei
• Taxus sumatrana (Sumatra taksuso)
• Taxus wallichiana (Himalaja taksuso)