4. linea (Bilboko metroa)

Abando ↔ Zorrotza — Irauregi
Bilboko metroaren parte da
Basurto–Ospitalea geltokia, linearako proposamen berrian
Datu orokorrak
Garraio mota	Burdinbide metropolitarra
Eskualdeak	Bilbo eta Alonsotegi, Bizkaia,  Euskal Herria
Geltokiak	7-8
Bidaiariak	5 870 000 (aurreikusitakoak)[1]
Jabea	Bizkaiko Garraio Partzuergoa
Ustiapena
Eragilea	Eusko Trenbideak
Maiztasuna	5' (aurreikusitakoak)[1]
Datu teknikoak
Luzera	6,5 km (lehen fasea) 10,5 km (bigarren fasea)
Abiadura maximoa	90 km/h
Mapa  A aukera   B aukera

L4 linea
Abando Ametzola Irala Errekalde Basurto–Ospitalea Zorrotza–Zorrozgoiti Santa Ageda Kastrexana Irauregi Guneak: 1. gunea

Bilboko metroaren 4. linea ( estilitzatua) sarea eraikitzen ari den bi lineetako bat da. Lineak 6 eta 7 geltoki artean eta 6,5 kilometro, 10,5 kilometrotara luzatuko dira bigarren fasean, izango ditu eta Abandoko Indalecio Prieto geltokia, Bilbo udalerrian dagoena, Irauregiko geltokiarekin lotuko du, Alonsotegi udalerrian.

Gaur egun, Unai Rementeria Bizkaiko ahaldun nagusiak 2020ko azaroan aurkeztutako bi ibilbide posible aztertzen ari dira. Biak Abandoko Indalecio Prieto geltokian hasiko ziren. Proposamen batek Bilbo-Leon burdinbideko Renfe Feve trenak Basurto–Ospitalea geltokiraino egiten duen ibilbidea erabiltzearen alde egiten du. Errekalde eta Iralabarri auzoetako zerbitzua, linearen arrazoi nagusia, Ametzolako geltokitik egingo litzateke. Geltoki horretan Mamarigako funikularra antzeko bi funikular eraikiko lirateke: bata Errekaldeberrirantz eta bestea Iralabarrirantz. Beste aukera bat Abando eta Basurtu artean azpiegitura berri bat eraikitzea litzateke, auzo horietatik zuzenean igaroko litzatekeena, Ametzolako geltokia saihestuz. Han, Bilbo-Leon burdinbidetik jarraituko zuten Zorrotza–Zorrozgoiti geralekuraino lehenengo fasean, eta Irauregiraino bigarrenean.^[2][3]

2021eko maiatzaren 2an amaitu zen Euskal Trenbide Sareak abian jarritako parte-hartze prozesua. Prozesu horretan, bi aukerak azaldu zizkieten kaltetutako auzoetako herritarrei, eta iritzia eskatu zieten. Laster inkestaren emaitzak aurkeztea eta hurrengo urratsak zehaztea aurreikusten da.^[4][5]

1. ↑ ^{a b} Euskal Trenbide Sarea. «Bilboko metroaren 4. lineko azterlana» (Noiz kontsultatua: 2021-05-04).
2. ↑ (Gaztelaniaz) «Rementeriak metroaren 4. linea Bilboko Feve tartetik eramatea planteatu du» El Correo 2020-11-25 (Noiz kontsultatua: 2021-05-25).
3. ↑ «Amaitu da Bilboko metroaren 4. linearen azterketa informatiboaren lehen fasea» www.vialibre-ffe.com (Noiz kontsultatua: 2021-05-25).
4. ↑ (Gaztelaniaz) NAIZ. (2021-02-19). «Bilboko metroaren 4. linean parte hartzeko prozesua hasi da» naiz: (Noiz kontsultatua: 2021-05-25).
5. ↑ (Gaztelaniaz) Deia. «Bilboko metroaren 4. linearen barrenak» www.deia.eus (Noiz kontsultatua: 2021-05-25).