Archaeoindris

Archaeoindris
Irudi gehiago
Sailkapen zientifikoa
Filuma	Chordata
Klasea	Mammalia
Ordena	Primates
Familia	Palaeopropithecidae
Generoa	Archaeoindris Herbert F. Standing, 1909
Banaketa mapa

Archaeoindris gaur egun iraungia dagoen lemuriforme-genero erraldoi bat da, Madagaskarreko irlan eboluzionaturiko primaterik handiena, gorila ar baten tamaina har zezakeelarik, 200 kilogramotako pisuarekin eta 1.5 metro inguruko altuerarekin.^[1] Gaur egun, Palaeopropithecidae familiako kide konsideratzen da, beste zazpi generorekin batera. Hasiera batean, femur-anatomiaren eta gorputz-tamaina handiaren ondorioz ia esklusiboki lurtarra zen ideia zabaldu zen arren,^[2] material fosil berrien agerpenak esku zein hankak igokari motel baina indartsu bat izateko moldaturik zegoela azaldu dute.^[3] Izan ere, falangeen kurbadura zuzenki erlazionaturik dago esku- zein oin-funtzioekin; hala, igokari/saltakariak diren espezieak (Pongo generoaren kasu) falange-hezurrak kurbatuagoak edukiko dituzte. Paleoprotezidoak, Archaeoindris barne, falange proximalak oso kurbatuak dituzte, orangutanaren antzeko bizimodua zutenaren adierazle.

1. ↑ (Ingelesez) Jungers, W. L.; Godfrey, L. R.; Simons, E. L.; Chatrath, P. S.. (1997-10-28). «Phalangeal curvature and positional behavior in extinct sloth lemurs (Primates, Palaeopropithecidae)» Proceedings of the National Academy of Sciences 94 (22): 11998–12001.  doi:10.1073/pnas.94.22.11998. ISSN 0027-8424. PMID 11038588. PMC PMC23681. (Noiz kontsultatua: 2020-02-06).
2. ↑ (Ingelesez) Vuillaume-Randriamanantena, Martine. (1988-06). «The taxonomic attributions of giant subfossil lemur bones from Ampasambazimba: Archaeoindris and Lemuridotherium» Journal of Human Evolution 17 (4): 379–391.  doi:10.1016/0047-2484(88)90027-9. (Noiz kontsultatua: 2020-02-06).
3. ↑ (Ingelesez) Jungers, W. L.. (). «Adaptive diversity in subfossil Malagasy prosimians» Zeitschrift Fur Morphologie Und Anthropologie 71 (2): 177–186. ISSN 0044-314X. PMID 6776705. (Noiz kontsultatua: 2020-02-06).