Carta Pisana

Carta Pisana XIII. mende amaieran, 1275-1300 inguruan, egindako itsas mapa bat da. Gaur egun, Frantziako Liburutegi Nazionaleko Mapa eta Planoen Sailean dago. Ikerketa berriek mende bat geroago egin zela iradokitzen dute. Pisan aurkitu zen, eta hortik datorkio izena. Mediterraneo osoa, Itsaso Beltza eta Atlantikoko kostaldearen zati bat erakusten ditu (gaur egungo Maroko iparraldetik gaur egungo Herbehereetaraino) baina maparen zehaztasuna nagusiki Mediterraneora mugatzen da^[1]. Iraun dirauen mapa nautiko zaharrena da (hau da, ez da soilik mapa bat, baizik eta nabigazio-norabide zehatzak erakusten dituen dokumentu bat)^[1][2]. Mapa portulano bat da, kostaldeei eta portu askori buruzko azterketa zehatza erakusten duena, baina ez du inolako adierazpenik barnealdeko topografiari edo toponimiari buruz^[3]. Mapa honetan iparraldea goialdean dago, garai bereko beste mapa batzuetan ez bezala, hala nola Hereford Mappa Mundia (1300 inguru), non goialdean ekialdea dagoen.

1. ↑ ^{a b} (Ingelesez) Diffie, Bailey Wallys; Winius, George Davison. (1977). Foundations of the Portuguese empire, 1415-1580. University of Minnesota ISBN 9780816607822..
2. ↑ (Ingelesez) Aczel, Amir D.. (2001). The riddle of the compass: the invention that changed the world. Orlando: Harcourt Books ISBN 9780156007535..^{[Betiko hautsitako esteka]}
3. ↑ (Italieraz) Brancaccio, Giovanni. (1991). Geografia, cartografia e storia del Mezzogiorno. Guida editori Napoli ISBN 9788878351219..