El Carxe

El Carxe edo El Carche Murtziako Erkidegoan kokaturiko mendilerro bat (1.371 m) da, baita inguruko eskualdeari ematen zaion izena ere, hots, Yecla (Iecla), Jumilla (Jumella) eta Abanilla (Favanella) udalerriek osatzen dutena. XVIII. mendetik, katalanez (Vinalopó aldetik bertaratutakoen valentzieraz, hain zuzen) mintzatzen da bertan. 300 km²-ko hedadura du eta 529 biztanle (2003an).

Eskualdea ondoko herrixkek osatzen dute:

• Raspai, 134 biztanle (Iecla)
• Torre del Rico, 58 biztanle (Jumella)
• El Carxe, 27 biztanle (Jumella)
• Canyada del Trigo, 167 biztanle (Jumella)
• Canyada de la Llenya, 143 biztanle (Favanella)

Nahiz eta valentzierak Murtziako Erkidegoan ez duen onarpen instituzionalik, Ieclako udalaren eskaeraz valentzierazko eskolak ematen zituen Acadèmia Valenciana de la Llenguak 2008ra arte.

El Carxek Murtziako herriekin baino harreman estuagoak ditu Vinalopó Mitjàko herriekin, bereziki El Pinósekin; El Carxeko herritarrek herri hartara jotzen dute behar dituzten zerbitzu asko lortzeko.