Euskal Herrialdeetako Alderdi Komunista

Euskal Herrialdeetako Alderdi Komunista
Datuak
Izen ofiziala	Euskal Herrialdeetako Alderdi Komunista eta Partido Comunista de las Tierras Vascas
Izen laburra	EHAK
Mota	alderdi politikoa
Herrialdea	Euskal Herria
Ideologia	marxismo-leninismoa, Eusko abertzaletasuna, independentismoa eta komunismoa
Jarduera
Honen parte	ezker abertzale
EAEko legebiltzarrean 2005-2009 9 / 75
Agintea
Lehendakaria	Juan Carlos Ramos Sánchez
Egoitza nagusi	Gasteiz
Egoitza nagusi	Donostia
Historia
Sorrera	2002ko uztailaren 27a
Desagerpena	2008
Koloreak
webgune ofiziala

Euskal Herrialdeetako Alderdi Komunista (EHAK) Hego Euskal Herriko alderdi politiko komunista eta abertzalea da.

2002ko uztailaren 29an alderdi politiko gisa erregistratu zuten Bilboko notaritza batean. 2005ean, Eusko Legebiltzarra osatzeko hauteskundeetan aurkeztu zen lehen aldiz, Espainiako Estatuaren Justiziak legez kanpo utzitako Aukera Guztiak plataforma politikoaren konpromisoa bere gain hartuta.

Urte bereko apirilaren 8an, Batasuna alderdi politiko ilegalizatuak EHAKi bozkatzeko eskatu zien bere militante eta jarraitzaileei, prentsaurreko batean adierazi zutenez.

Eusko Legebiltzarrean, EHAKeko hautetsiek Ezker Abertzalea talde parlamentarioa osatu zuten.

2007ko urriaren 5ean, EHAKren Donostiako ordezkaritza miatu zuen Espainiako Poliziak, eta bertatik ordenagailuak eta dokumentazioa atera.

2008ko otsailaren 8an, Espainiako Entzutegi Nazionaleko Baltasar Garzon epaileak alderdiaren jarduera hiru urtez eteteko agindu zuen, EAE-ANV alderdiarekin batera^[1]. Otsailaren 11n alderdi komunistako kide batzuk atxilotu zituzten, Baltasar Garzon epaileak agindutako "Batasunaren aurkako" operazio batean; halaber, EHAKko egoitzak miatu zituzten^[2].

2008ko irailaren 18an, Espainiako Auzitegi Gorenak EHAK legez kanpo utzi zuen^[3], EAE-ANV alderdia debekatu eta bi egunera.

1. ↑ EHAKren eta EAE-ANVren jarduera eten du Garzonek, 3 urterako Berria, 2008-02-08
2. ↑ Ezker abertzaleko 14 kide atxilotu ditu Espainiako Poliziak, Garzonen aginduz^{[Betiko hautsitako esteka]} Berria, 2008-02-11
3. ↑ EHAK ere legez kanpo utzi du Auzitegi Gorenak^{[Betiko hautsitako esteka]} Berria, 2008ko irailaren 18a