Euskal Iraultzarako Alderdia

Euskal Iraultzarako Alderdia (EIA)
Sorrera	1977
Desegitea	19821
Ideologia politikoa	Sozialista, komunista, abertzalea
Agerkaria	Herria Zutik
1 Euskadiko Ezkerran sartu zen.

Euskal Iraultzarako Alderdia (EIA) Hego Euskal Herriko alderdi politikoa zen, ETAren VII. biltzar nagusiaren ondorioz sortua (Gallarta, 1977). Oinarri ideologikoak Eduardo Moreno Bergaretxe "Pertur"ek ezarri zituen.

Euskadi askatzeko euskal langileriak eginiko borrokaren ondoren euskal estatu independentea sortzea zen alderdiaren helburua, nazio- eta klase-arazoa batuz. 1977an, EMKrekin batera Euskadiko Ezkerra (EE) koalizioa sortu, eta Madrilgo Parlamenturako hauteskundeetan parte hartzea erabaki zuen.

1978an alderdia legeztatu eta 1979an burutu zuen lehenengo biltzar nagusia, eta bere oinarriak ezarri zituen: Euskal Herrirako independentzia eta sozialismoa ziren helburu; ondoko urteetan marxismo-leninismoa laga, eta eurokomunismorantz lerratu zen.

1982an EE alderdi bihurtzearekin batera EIA desegin egin zen.