Immunitate zelularra T linfozitoek, NK zelulek eta makrofagoek bideratutako immunitate mota da,[1] antigorputzik erabiltzen ez duena. Erantzun mota honek patogenoen zelulen barneko garapena ekiditeko jarduten du. Hau da, zelulen barneko hazkundea (birusen kasuan, zenbait bakteria,...) eragozteko. Arrotzak izan daitezkeen zelulak (organo transplanteetan kasu) edota organismoko zelula tumoralak ere suntsitzen ditu.[2]