Karpo

Karpo
Karpoko hezurrak: Hurbil: A=Eskafoidea, B=Ilargi-formakoa, C=Piramidala, D=Pisiformea Urrun: E=Trapezioa, F=Trapezoidea, G=Hezur handia, H=kako-hezurra Irudi gehiago
Xehetasunak
Honen parte	set of carpal bones (en)
Identifikadoreak
Latinez	ossa carpi
MeSH	A02.835.232.087.319.150
TA	A02.4.08.001
FMA	23889
Terminologia anatomikoa

Karpoa eskumuturreko hezurdura osatzen duen zortzi hezurreko taldea da. Bi ilaratan daude, hurbilekoa eta urrunekoa. Lehenengo ilaran, hurbilekoan, kanpotik barrura (erpurutik hatz txikira) honako hezur hauek daude:

• eskafoidea
• ilargi-formakoa (edo semilunarra)
• piramidala
• pisiformea

Azken hau, piramidalaren gainetik dago. Urruneko ilarakoak, ordena berean, honako hauek dira:

• trapezioa
• trapezoidea
• hezur handia
• kako-hezurra (edo untziformea)

Hezur bakoitza, ondoan dituen hezurrekin artikulatzen da. Orotara, karpoak, aurrealdeko aurpegi ahurra eta atzealdeko aurpegi ganbila ditu.

Orotara, zortzi hezur hauek, eskumutur osoa eratzen dute, lauki formakoa. Forma honen ondorioz, bi aurpegi eta lau ertz ditu. Aurrealdeko aurpegia, flexio giharrak eta arteria erradiala pasatzen den kanal antzeko bat da.