Kontserbazio egoera

Espezie baten kontserbazio egoera egun edo etorkizun hurbilean espezie horrek dituen iraungitzeko aukerak neurtzeko adierazlea da. Espezie jakin baten kontserbazio egoera finkatzeko faktore asko kontuan hartzen dituzte: espezimen kopuruaz gain, denboran zehar biztanleriaren handiagotze edo gutxitzea, elikatzeko aukerak, mehatxu ezagunak eta abar.

Kontserbazio egoera adierazteko sistema asko daude:

• Mundu osokoak: adibidez IUCN Zerrenda Gorria da, mundu osoan, kontserbazio egoeraren adierazle ezagunena.
• Nazioartekoak: adibidez, Europar Batasunak bere kategoriak ditu.
• Estatukoak, estatu burujabe bakoitzak bere lurralderako sortuak.

IUCN zerrendak bederatzi kategoriatan sailkatzen du espezie bakoitzaren iraute egoera:

• Galdua (EX)
• Ingurune naturalean galdua (EW)
• Galzori larrian (CR)
• Galzorian (EN)
• Kaltebera (VU)
• Ia mehatxatuta (NT)
• Arrisku txikia / Kezka txikia (LC)
• Datu falta (DD)
• Ez aplikagarria (NA)
• Ebaluatu gabea (NE)