Leukozito

Leukozito
Giza odolaren mikroskopio elektroniko bidezko irudia: leukozitoak itxura irregularrekoak dira. Irudi gehiago
Xehetasunak
Honen parte	odola
Konponenteak	Monozitoa linfozitoa Neutrofiloa Basofiloa Eosinofiloa
Identifikadoreak
MeSH	A15.145.229.637 eta A15.382.490 A11.118.637, A15.145.229.637 eta A15.382.490
TH	H2.00.04.1.02001
FMA	62852
Terminologia anatomikoa

Globulu zuriak edo leukozitoak, immunitate-zelula edo immunozitoak ere deritzenak,  immunitate-sistemako zelulak dira, gorputza kanpoko gaixotasun infekzioso eta organismo inbaditzaileen aurka babesten dutenak. Gainera, odolaren hiru zelula motakoetako bat dadira, globulu gorri eta plaketekin batera. Globulu zurien barruan, hiru azpimota bereizten dira: granulozitoak, linfozitoak eta monozitoak^[1].

Immunozitoak, hezur-muineko zelula multipotenteak dira, zelula ama hematopoietikoetatik sortu eta desberdintzatzen direnak^[2]. Immunozitoek nukleoa dute, gainontzeko odol zelulek ez bezala.

Globulu zuriak heldu osasuntsu baten odol-bolumen osoaren % 1 inguru dira, globulu gorriekin alderatuz gero, askoz gutxiago (% 40 - % 45). Normalean, zelula hauen zenbaketa 4 × 10⁹ /L eta 1,1 × 10¹⁰ /L artekoa izaten da^[3]. Hori horrela, globulu zurien gehiegizko edo gutxiegizko kontzentrazioa, gaixotasunen adierazle izan daiteke. Infekzio edo hantura baten ondorioz, leukozito kontzentrazioa handitu ohi da. Inoiz edo behin, globulu zurien zenbaketa altuak odoleko minbiziak edo hezur-muineko asalduren seinale izan daitezke.

Gehiegizko leukozito-kopuruari leukozitosi deritzo, ohikoa dena immunitate-erantzun bat dagoenean. Jatorri neoplasikoa edo autoimmunea duenean, aldiz, anormala da. Bestalde, immunitate-sistema ahulduta dagoenean, leukopenia esaten zaio.

1. ↑ «Medical gallery of Blausen Medical 2014» WikiJournal of Medicine 1 (2) 2014  doi:10.15347/wjm/2014.010. (Noiz kontsultatua: 2024-11-07).
2. ↑ (Ingelesez) Monga, Isha; Kaur, Karambir; Dhanda, Sandeep Kumar. (2022-05-21). «Revisiting hematopoiesis: applications of the bulk and single-cell transcriptomics dissecting transcriptional heterogeneity in hematopoietic stem cells» Briefings in Functional Genomics 21 (3): 159–176.  doi:10.1093/bfgp/elac002. ISSN 2041-2649. (Noiz kontsultatua: 2024-11-07).
3. ↑ Benjamin, B.. (2022-03-16). «Introductory» Health and Vital Statistics (Routledge): 11–14. ISBN 978-1-003-28190-0. (Noiz kontsultatua: 2024-11-07).