Pelasgo

Pelasgo (antzinako grezieraz: Πελασγός, Pelasgós)^[1] K.a. XII. mendea baino lehen Greziako lurralde osoan finkatua zen herria edo herri-taldea da. Izen hau antzinateko greziarrek erabili zuten egungo Greziaren mugetan bizi zen herri ez-greziarra adierazteko. Greziar idazle batzuek –artean Homero, Herodoto eta Tuzidides– aipatzen dituzte beren obretan eta herri berezitzat hartzen. Hizkuntzak gutxienez K.a. V. mendea arte iraun zuen zenbait herrixkatan.^[2] Garai haietan antzinako grezieraz egiten zutenek, berriz, joniarrak zuten izena. Gero, helenizatuak izan ziren eta bere toponimia baino ez zaigu ailegatu.

1. ↑ Liddell, Henry George; Scott, Robert. (1940). Pelasgos. in: A Greek-English Lexicon. Oxford: Clarendon Press.
2. ↑ Lur entziklopedietatik hartua.