Skateboarding

Skateboarding skateboard deritzon ohol gurpildun baten gainean ibiltzeko eta akrobaziak egiteko jolas eta kirola da. Oholaren gainean ibiltzeko azalera inklinatu batean maldan behera joan nahiz azalera lau batean hanka batez bultzatu egiten da. Sorreran, surf mundukoak eta underground kulturakoak ziren skateboardingean aritzen zirenak; baina gaur egun edozein arlotakoak dira^[1].

Skateboarding kirolaren praktikan hiru modalitate bereiz daitezke: skateboarding bertikala, U itxurako skate parke eta antzekoetan burutzen dena, kaleko skateboardinga, kaleak zeharkatu eta horietan aurki daitezkeen oztopoak gainditzea helburua duena, eta freestyle edo estilo askeko modalitatea, skateboard gaineko akrobaziak (ollie izeneko jauzia, esaterako) eta antzekoak nabarmentzen dituena.

Kirol hau garrantzia irabaziz joan da, eta 2020ko Tokioko Olinpiar Jokoetan lehenengo aldiz kirol olinpikoa izan da^[2].

1. ↑ (Gaztelaniaz) «La curiosa historia del skateboarding» culturizando.com | Alimenta tu Mente 2019-07-14 (Noiz kontsultatua: 2022-06-01).
2. ↑ (Gaztelaniaz) BARCELONA, EL PERIÓDICO /. (2016-08-04). «Nuevos deportes olímpicos: béisbol, softbol, kárate, escalada, surf y skateboard» elperiodico (Noiz kontsultatua: 2022-06-01).