Yamnaya kultura

Yamnaya kultura

Mota	kultura arkeologiko
Honen parte	Kalkolito eta Brontze Aroa
Hasiera	K.a. 3300
Amaiera	K.a. 2600
Aurrekoa(k)	Serednii Stih culture (en)
Ondorengoa(k)	Potapovka culture (en)

Kurgan kultura edo Jamna kultura Kalkolitoan eta Behe Brontze Aroan (K.a. 3600-2300 artean) Bug, Dniester eta Ural ibaiaren arteko lurraldeetan (Kaspiar Itsasoa eta Itsaso Beltzaren arteko estepan) garatu zen kultura arkeologikoa da.

Kultura horretako jendea nomada zen, nahiz eta ondoko ibaietan hainbat nekazal alor izan. Haren ezaugarri nagusia, berriz, kurgan (tumulua errusieraz) izeneko ehorzketak ziren. Gorpua ahoz gora eta belaunak tolestuta hilobi txiki batean kokatzen zen. Geroago gorpua buztinez estaltzen zen. Animalien gorpukiak (txerriak, ardiak, ahuntzak edo zaldiak) ere daude kurganetan, aitzinindoeuroparrekin eta aitzinindoiraniarrekin lotzen den ehorzketa-jarduera.

Izan ere, Jamna kultura aitzinindoeuroparrekin uztartu da, Marija Gimbutas ikerlariak garatutako Kurgan hipotesian. Teoria horren arabera, beraz, indoeuroparren jatorrizko lekua, Urheimat deritzona, Kurgan kulturako kokagunea (Kaspiar eta Itsaso Beltzaren arteko estepa) izango litzateke.

Europa ekialdean aurkitu den gurpildun gurdirik zaharrena kultura horren kurgan (tumulu) batean aurkitu zen. Storozhova Mohyla tumulua da eta Ukrainian dago.