Zetta

Zetta- (ikurra Z) Nazioarteko Unitate Sisteman 10²¹ faktore bat adierazten duen aurrizki bat da. 1991an onartua izan zena.
10²¹ = 1.000.000.000.000.000.000.000 = mila trilioi

Zetta hitza latinezko septem zenbakitik dator. Horregatik aukeratu zen 1000 zenbakiaren zazpigarren potentzia izendatzeko, 1000⁷ zenbakiaren berdina delako. Hepta aurrizkia erabili izan zen lehenago 1991n Zetta onartu zen arte. Grezierazko ἑπτά (hepta) hitzetik zetorren beste hori, "zazpi" ere esan nahi duena.

Informatikan, komunikazioetan aritzen garenean mila trilioi adierazteko erabiltzen da, bitaren aurrizki moduan erabiltzen denean eskuarki, (Zettabit edo Zb). Hala ere, zuzen hitz eginda, RAM memoriako biltegiratze-sistemekin, zetta batek 2⁷⁰ = 1024⁷ esan nahi du.

Adibideak:

• Lurra planetako atmosferaren masa 5 zettagramokoa da (ggb)
• Itsasoko uren bolumena 1,369 zettalitrokoa da (ggb)
• Avogadroren zenbakia hau da: 602.2 Zmol. Hau da, edozein substantziazko mol batean 6.022 × 10²³ molekula daude.
• Esne-bidearen diametroa 0,9 eta 1,7 zettametroren artekoa dela estimatzen da (Zm).