Aruba

Aruba

(Flagg Aruba) (Skjaldarmerki Aruba)
Tjóðarslagorð: Onki
Tjóðsangur: "Aruba Dushi Tera"
Alment mál	Niðurlendskt og papiamento
Høvuðsstaður	Oranjestad
Forsætisráðharri	Willem-Alexander
Guvernørur	Alfonso Boekhoudt
Fullveldi	Onki*
Vídd  - tilsamans  - vøtn (%)	178.91 km² 0 %
Íbúgvar  - tilsamans 2013  - tættleiki	109,153 567/km²
Gjaldoyra	Florin (AWG)
Tíðarøki	UTC -4
Økisnavn á alnetinum	.aw
Telefonkota	+297
*Partur av Kongaríkinum Niðurlond

Aruba er ein niðurlendsk oyggj beint úti fyri strondina í Venesuela. Aruba er ein av ABC-oyggjunum, ið eru í Karibiska havinum. Oyggin er 179 km² til støddar og liggur bara 27 km frá suðuramerikanska meginlandinum í Venesuela. Høvuðsstaðurin eitur Oranjestad. Í januar 2000 var fólkatalið í Aruba 90,506; í januar 2013 var tað vaksið til 109,153 ^[1]. Mesta fólkið er afrikanarar, men eisini er ein hvítur minniluti. Almennu málini í Aruba eru tvey, niðurlendskt og papiamento ^[2]. Upprunafólkið í Aruba eru indiánar. Tann rómversk-katólska kirkjan er størsti trúarbólkur í Aruba; umleið 81 % av fólkinum eru rómverskir katolikkar í 2013 ^[3].



Ferðavinnan hevur havt ein vaksandi týdning fyri Aruba; ferðavinnan hevur stóran týdning í Aruba í 2013. Tølini hjá CIA World Factbook vísa, at ferðavinnan stendur fyri umleið 1/3 av samlaða BTÚ í 2013 ^[4]. Hóast landið er lítið dregur tað nógv ferðandi á hvørjum ári. Hetta kemst helst av, at veðurlagið í Aruba er serstakliga lokkandi, har eru strendur so langt eygað røkkur. Størsta menningin og mesta virksemið er eisini fram við strendurnar. Hóast strandarlinjan er fruktagóð, er miðjan á oynni at rokna sum oyðimarkarlendi. Flestu ferðafólkini eru úr USA. 



Oyggin er millum annað nevnd í sanginum Cocomo hjá Beach Boys. Eisini verður hon viðhvørt umtalað sum frítíðarstað í amerikanskum spælifilmum.

Oyggin Aruba er 179 km² til støddar, t.e. nakað størri enn Vágar, sum er 177 km².

1. ↑ http://www.cbs.aw/index.php/products/publications/161-publications/population-society/population-society/census-2010/220-census2010results-aa1
2. ↑ http://books.google.com/books?id=4SMLb6hKv4YC&lpg=PT276
3. ↑ "Archive copy". Talgilda eintakið, gjørt eftir tí talgilda frumeintakinum , varð goymt í skjalasavni á netinum tann 2011-06-04. https://web.archive.org/web/20110604234830/https://www.cia.gov/library/publications/the-world-factbook/geos/aa.html. Heintað 2014-03-12. 
4. ↑ "Archive copy". Talgilda eintakið, gjørt eftir tí talgilda frumeintakinum , varð goymt í skjalasavni á netinum tann 2011-06-04. https://web.archive.org/web/20110604234830/https://www.cia.gov/library/publications/the-world-factbook/geos/aa.html. Heintað 2014-03-12.