Aberdeenshire

Aberdeenshire (Skotsk-Gaelysk: Siorrachd Obar Dheathain), dat sûnt 1996 bestiet, ien fan de 32 riedsgebieten fan Skotlân. Aberdeen sels is net in part fan dat riedsgebiet, mar foarmet in eigen riedsgebiet. Lykwols hat Aberdeenshire syn haadplak yn Woodhill House, yn Aberdeen. Dêrtroch is Aberdeenshire it ienichste riedsgebiet fan Skotlân dat it haadplak bûten de eigen grinzen hat. Aberdeenshire grinzet oan Angus en Perth en Kinross yn it suden, en Highland en Moray yn it westen. It riedsgebiet Aberdeenshire is ferneamd nei it eardere greefskip Aberdeenshire, ien fan de greefskippen fan Skotlân, dat oant 1975 bestie, mar in oare gebiet besloech en oare grinzen hie.