Pipo de Clown

Pipo de Clown is in personaazje betocht troch Wim Meuldijk (1922-2007) dy't foaral bekend waard troch de Nederlânske telefyzjerige mei deselde namme, ek skreaun troch Meuldijk. Der binne ek boeken, strips, kassettes, platen (sa as harkspullen), kd's, fideo's en dvd's fan ferskynd. Foar telefyzje waard Pipo spile troch Cor Witschge (1925-1991). Pipo wennet mei syn frou Mamaloe en dochter Petra yn in wenwein, wêr't sy de hiele wrâld mei oer reizgje, sizze se. Yn 2003 kaam der in nije film mei Joep Dorren as Pipo de Clown yn Pipo en de P-P-Parelridder. Der wurdt in twadde film yn 2009 ferwachte mei as wurktitel Pipo & Het Geheim Van De Barkini Driehoek en in musical Pipo en de Gestolen Stem.